इरानबाट फर्किंदै गरेका अफगानी चढेको बसमा आगलागी, ७३ जनाको मृत्यु

News Summary

Generated by OK AI. Editorially reviewed.

अफगानिस्तानमा बस दुर्घटना हुँदा ७३ जनाको मृत्यु भएको छ, जसमा १७ जना बालबालिका रहेका छन्।
दुर्घटनामा बसमा सवार सबैको मृत्यु भएको र ठोक्किएका दुई सवारीमा रहेका दुई जनाले पनि ज्यान गुमाएका छन्।
इरानले गृहयुद्धका कारण भागेर त्यहाँ पुगेका अफगानी नागरिकलाई स्वदेश फिर्ता पठाउनेक्रम तीव्र बनाएको छ।

४ भदौ, काठमाडौं । अफगानिस्तानमा बसमा दुर्घटना हुँदा ७३ जनाको मृत्यु भएको छ । मृतकमध्ये १७ जना बालबालिका रहेका अधिकारीहरूलाई उद्धृत गर्दै बीबीसीले जनाएको छ ।

दुर्घटनाग्रस्तमा बसमा धेरैजसो इरानबाट फर्काइँदै गरिएका अफगानी प्रवासीहरू थिए । तालिबानको सूचना तथा संस्कृति निर्देशक अहमदुल्ला मुक्तकीले काबुल जाँदै गरेको बसमा ट्रक र मोटरसाइकलसँग ठोक्किएर आगलागी भएको बताएका छन् ।

बसमा सवारमा सबैको मृत्यु भएको र ठोक्किएको अरू दुई सवारीमा रहेका दुई जनाले समेत ज्यान गुमाएका छन् । घटना मंगलबार बेलुकीको हो । प्रारम्भिक अनुसन्धानमा तीव्र गति र चालकको लापरबाहीले बस दुर्घटना भएको देखिएको अफगानी अधिकारीहरूको भनाइ छ ।

हालैका महिनामा गृहयुद्धका कारण अफगानिस्तानबाट भागेका अफगानी नागरिकलाई इरानले स्वदेश फिर्ता पठाउनेक्रमलाई तीव्रता दिएको छ ।

सन् १९७० को दशकमा लाखौं अफगानी भागेर इरान र पाकिस्तान गएका थिए ।

सन् १९७९ मा अफगानिस्तानमा शोभियत संघको आक्रमणका दौरान र सन् २०२१ मा तालिबान पुन:सत्तामा आएपछि अफगानीहरूले अन्य मुलुक पलायन हुनेक्रम बढेको थियो ।