जनै हराएको मान्छे : प्रिमियरमा भक्कानिए कलाकार (तस्वीर)

News Summary

Generated by OK AI. Editorially reviewed.

फिल्म ‘जनै हराएको मान्छे : सम्बन्धका धागाहरू’को प्रिमियर नयाँ बानेश्वरस्थित वान सिनेमाज हलमा बुधबार आयोजना भएको थियो।
प्रिमियरमा कलाकार सुनिल थापा, जितु नेपाल, विप्लव प्रतीक, कमलमणी नेपाल लगायत उपस्थित थिए।
निर्देशक हिमाल न्यौपानेको फिल्म शुक्रबारदेखि प्रदर्शनमा आउँदैछ र यसमा केकी अधिकारी, विजय बराल, मिरुना मगर लगायतको अभिनय छ।

काठमाडौं । फिल्म ‘जनै हराएको मान्छे : सम्बन्धका धागाहरू’ले प्रिमियरमा दर्शकको मन जितेको छ । बुधबार नयाँ बानेश्वरस्थित वान सिनेमाज हलमा आयोजना गरिएको प्रिमियरमा फिल्म हेरेका दर्शक भावुक देखिए ।

कलाकार सुनिल थापा, जितु नेपाल, विप्लव प्रतीक, कमलमणी नेपाल, लोकेन्द्र लेखक, किरण श्रेष्ठ, प्रदीप भारद्धाज लगायत उपस्थित थिए ।

फिल्म हेरेपछि धेरै व्यक्ति भावुक हुँदा कतिपयले आँखामा आँसु थाम्न सकेनन् । कलाकार केकी अधिकारी, अञ्जु पन्तलगायतका आँखा रसाइरहेका थिए ।

शुक्रबारदेखि प्रदर्शन तयारीमा रहेको हिमाल न्यौपाने निर्देशित फिल्ममा केकी र विजय बरालसँगै मिरुना मगर, सशांक मैनाली, भोलाराज सापकोटा, गौरव पहाडी, रियर राई, भावना खपांगी, रुपेश लामा, सुमन थापाको अभिनय छ ।

सर्वकालिन ब्लकबस्टर ‘पूर्णबहादुरको सारंगी’पछि बराल यो फिल्ममार्फत पर्दामा फर्किन लागेका हुन् । पेपरक्लिपको ब्यानरमा निर्माण भएको फिल्मका निर्माता कमल न्यौपाने र विमल न्यौपाने हुन् ।

कार्यकारी निर्मातामा नारायण तिमल्सिना, चुडामणि सिवाकोटी, आरके मानन्धर, सीआर बस्नेत, फिलिप डिसी र जेम्स महाराजन छन् ।