+
+
Shares
फ्राइडे रिलिज :

‘गुन्युचोलो’ आजदेखि देशब्यापी रिलिज

अनलाइनखबर अनलाइनखबर
२०८२ भदौ १३ गते ८:३६

News Summary

Generated by OK AI. Editorially reviewed.
  • कथानक फिल्म ‘गुन्यु चोलो : द ड्रेस’ आजबाट देशब्यापी १०३ शोमा प्रदर्शनमा आएको छ।
  • फिल्ममा नाजिर हुसेनले पारालिंगी चरित्र निर्वाह गरेका छन् र एलजीबीटीआईक्यू समुदायको कथा प्रस्तुत गरिएको छ।
  • फिल्मको अन्तर्राष्ट्रिय वितरण अधिकार अमेरिकाको बफेलो एट्लेले किनेको छ र सम्पूर्ण पोस्ट-प्रोडक्सन अमेरिका मा गरिएको छ।

काठमाडौं । कथानक फिल्म ‘गुन्यु चोलो : द ड्रेस’ आजबाट प्रदर्शनमा आएको छ । कूल १०३ शो पाएको यो फिल्म देशब्यापी प्रदर्शनमा आएको हो ।

अल्पसंख्यक लैंगिक समुदायको कथा पेश गर्ने फिल्ममा शीर्ष कलाकार नाजिर हुसेनले पारालिंगी चरित्र निर्वाह गरेका छन् । मुलुकमा एलजीबीटीआईक्यू समुदायको कथामा फिल्म कम बनिरहेको बेला, यो फिल्म दर्शनीय हुनसक्छ ।

समुन्द्र भट्ट निर्देशित फिल्म सोसल ड्रामा जनरामा आधारित छ, जहाँ प्रमुख पात्रले पहिचानको लागि गर्ने संघर्ष चित्रण छ ।

नाजिरसँगै फिल्ममा सञ्चिता लुइँटेल, सुशील सिटौला, राजकुमार घोष, शिशिर राणा, अनुपम श्रेष्ठ र विशाल पहारीले पनि महत्वपूर्ण भूमिका निर्वाह गरेका छन् ।

यो फिल्मको अन्तर्राष्ट्रिय वितरण अधिकार अमेरिकाको बफेलो एट्लेले किनेको छ ।

सबै पोस्ट-प्रोडक्सनको काम बाहिर गरिएको छ । फिल्मको एडिट, कलर, मिक्सिङ, साउन्ड डिजाइनदेखि ब्याकग्राउन्ड म्युजिकसम्मको काम अमेरिकामा गरिएको छ ।

फिल्ममा हलिउडकी कलाकार लिजा जेरार्डले स्वर दिएकी छिन् भने ब्याकग्राउन्ड म्युजिकको सम्पूर्ण काम मार्सेलो दी फ्रान्सिसीले गरेका छन् । हलिउड चलचित्र ‘ग्ल्याडिएटर- २’ मा लिजाले स्वर दिएकी थिइन् ।

यो फिल्मको रनटाइम १२७ मिनेट छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?