चिया बगान र अर्पाटमेन्टबीच सौदाबाजी भएर अघि बढ्यो भूमि विधेयक : माधव सापकोटा

१३ भदौ, काठमाडौं । नेकपा माओवादी केन्द्रका सांसद माधव सापकोटाले भूमि सम्बन्धी केही नेपाल ऐन संशोधन गर्न बनेको विधेयकको उदेश्य भूमिहीन दलित र भूमिहीन सुकुम्बासीलाई जग्गा दिन नरहेको आरोप लगाएका छन् ।

शुक्रबार प्रतिनिधिसभाको बैठकमा बोल्दै उनले यस्तो बताएका हुन् । भूमि सम्बन्धी अध्यादेश हुँदै विधेयक आउँदासम्म विरोधमा रहेको नेपाली कांग्रेसले अग्रसरता लिएर संशोधन गर्ने भनेता पनि जनताको अपेक्षा र आवश्यकता अनुसार विधेयक संशोधन हुन नसनेको उनको आरोप छ ।

‘सत्ता साझेदार एउटा दलका केही माननीयज्यूहरूको सक्रियताले यो विधेयक संसदीय समितिमा पुगेको थियो,’ उनले भने । संसदीय समितिमा पुगेपछि केही प्रगतिशिल विषय समावेश गरेर विधेयक संशोधन हुन सक्ने अपेक्षा रहेको पनि उनले बताए ।

आफूहरुको विश्वास यथार्थमा परिणत हुन नसकेको उनको टिप्पणी छ ।

‘गिभ एण्ड टेक भयो वा के भयो ! सुरुमा हामीले ठानेका थियौं विधेयक प्रगतिशिल हुने भयो । जनताको पक्षमा पूरानो राजनीतिक दलले अडान लिने भयो भन्ने लागेको थियो । तर, अन्तिममा गएर चिया बगान र अर्पाटमेन्टका बीचमा सौदाबाजी भएर काले काले मिलेर खाउँ भाले भन्ने भन्दा अरु केही भएन,’ सापकोटाको टिप्पणी छ ।

विधेयकले निश्चित वर्गको हीत गर्ने र जनताको समग्रतामा हित नगर्ने उनको बुझाइ छ