दशैंको दिनबाहेक सार्वजनिक बिदामा बैंक र भन्सार खुला राखिने

News Summary

Generated by OK AI. Editorially reviewed.

अर्थ मन्त्रालयले दशैंको दिनबाहेक अन्य सार्वजनिक बिदाका दिनमा बैंक तथा भन्सार खुला राख्ने निर्णय गरेको छ।
अर्थसचिव घनश्याम उपाध्यायले पहिरोले अवरुद्ध तातोपानी नाका जोड्ने बाटो खुलाउन सरकारले प्रयास गरिरहेको जानकारी गराएका छन्।
अर्थमन्त्री रामेश्वर खनालले निजी क्षेत्रसँगको छलफलमा एकीकृत व्यापार पुनरुत्थान योजना ल्याउने र कर तथा मौद्रिक नीतिबाट सहुलियत दिन सरकार सकारात्मक रहेको बताए।

३१ भदौ, काठमाडौं । दशैंको दिन बाहेक अन्य सार्वजनिक बिदाका दिनमा बैंक तथा भन्सार खुला राखिने भएको छ ।

मंगलबार अर्थ मन्त्रालयमा निजी क्षेत्रका प्रतिनिधिसँगको छलफलमा अर्थसचिव घनश्याम उपाध्यायले सो जानकारी गराएका हुन् ।

उनले पहिरोका कारण अवरोध पुगेको तातोपानी नाका जोड्ने बाटो खुलाउन सरकारले प्यास गरिरहेको बताएका थिए ।

मंगलबार अर्थमन्त्री रामेश्वर खनालले मन्त्रालयमा निजी क्षेत्रका प्रतिनिधिमूलक संघसंस्थाका अध्यक्ष तथा प्रतिनिधिसँग छलफल गरेका थिए ।

छलफलमा नेपाल उद्योग वाणिज्य महासंघ, नेपाल चेम्बर अफ कमर्श, नेपाल उद्योग परिसंघ, नेपाल अटो डिलर्स एसोसिएसन, चौधरी ग्रुप र भाटभटेनी ग्रुपसमेतका उद्योगी र व्यवसायी सहभागी थिए ।

सो क्रममा उद्योगी/व्यवसायीले कर सहुलियत, सहुलियतपूर्ण कर्जा, बीमा रकम यथाशीघ्र भुक्तानीको माग गरेका थिए ।

छलफलमा अर्थमन्त्री खनालले एकीकृत व्यापार पुनरुत्थान योजना ल्याउने जानकारी गराएका थिए ।

कर नीति तथा मौद्रिक नीतिबाट दिन सकिने सहुलियतका लागि सरकार सकारात्मक रहेको उनले जानकारी दिए ।