एमालेका निवर्तमान सांसदहरूले गरे सिंहदरबार अवलोकन

News Summary

Generated by OK AI. Editorially reviewed.

नेकपा एमालेका निवर्तमान सांसदहरूले सिंहदरबारमा भदौ २४ गते भएको आगलागीले जलेका संरचनाहरूको अवलोकन गरेका छन्।
आगलागीले एमाले र नेपाली कांग्रेसको संसदीय दलको कार्यालयसहित प्रधानमन्त्री तथा मन्त्रिपरिषद्को कार्यालय, गृह मन्त्रालय लगायतका संरचना ध्वस्त भएका छन्।
प्रधानमन्त्री तथा गृह मन्त्रालयका कार्यालयहरू साविकको ठाउँमा बस्न नसक्ने भएपछि नजिकैको अर्को भवनमा सारिएका छन्।

३१ भदौ, काठमाडौं । नेकपा एमालेका निवर्तमान सांसदहरूले गरे सिंहदरबारमा जलेका संरचनाहरूको अवलोकन गरेका छन् ।

दिउँसो सिंहदरबारस्थित एमाले संसदीय दलको कार्यालय, नेपाली कांग्रेसको संसदीय दलको कार्यालयसहितका संरचनाहरूको अवलोकन गरेका हुन् । दुवै दलको संसदीय दलको कार्यालय आगलागीले ध्वस्त भएको छ ।

यही भदौ २४ गते भएको आगलागीका क्रममा प्रधानमन्त्री तथा मन्त्रिपरिषद्को कार्यालय, गृह मन्त्रालय, उर्जा मन्त्रालय, शिक्षा मन्त्रालय, संघीय मामिला तथा सामान्य प्रशासन मन्त्रालयका संरचना समेत जलेका छन् । एमालेका निवर्तमान सांसदहरू यी संरचनाको अवलोकन गर्न समेत पुगे ।

प्रधानमन्त्री तथा मन्त्रिपरिषद्को कार्यालय साविकको ठाउँमा बस्न नसक्ने भएपछि नजिकै रहेको अर्को भवनमा सरिसकेको छ । गृह मन्त्रालय पनि साविकको ठाउँमा बस्न नसक्ने भएपछि अर्को भवनमा सरिसकेको छ ।

ती कार्यालयहरूमा भएको आगजनी एमालेका निवर्तमान सांसदहरूले आवलोकन गरेका हुन् ।

तस्वीरहरू : कमल प्रसाईं/अनलाइनखबर