कांग्रेस र एमाले मात्रै मिल्दा बन्दैन मधेश सरकार

News Summary

Generated by OK AI. Editorially reviewed.

नेपाली कांग्रेसले मधेश प्रदेश सरकारलाई दिएको समर्थन फिर्ता लिएको छ।
कांग्रेस संसदीय दलको बैठकले नयाँ सरकार गठनको प्रयास थाल्ने निर्णय गरेको कांग्रेस सांसद अन्जना पण्डितले बताइन्।
मधेश प्रदेश सरकारमा सबैभन्दा ठूलो दल नेकपा एमालेका २५ सांसद छन् भने कांग्रेसका २२ सांसद छन्, जसले सरकार बनाउन आवश्यक ५४ मत पुग्दैन।

८ असोज, काठमाडौं। नेपाली कांग्रेसले मधेश प्रदेश सरकारलाई दिएको समर्थन फिर्ता लिएको छ ।

कांग्रेसकी सांसद अन्जना पण्डितले कांग्रेस संसदीय दलको बैठकले वर्तमान सरकारलाई दिएको समर्थन लिएर नयाँ सरकार गठनको प्रयास थाल्ने निर्णय गरेको जानकारी दिइन् ।

यो सँगै मधेश प्रदेश सरकारको नेतृत्व गरिरहेका सतिशकुमार सिंह अल्पमतमा परेका छन् ।

मधेश प्रदेश सरकारमा सबैभन्दा ठूलो दल नेकपा एमाले हो । एमालेका २५ जना सांसद् छन् ।

दोस्रो ठूलो दल कांग्रेसका २२ जना सांसद् रहेका छन् । यी दुई दल मात्रै मिल्दा मधेश प्रदेशमा सरकार बन्दैन ।

१०७ सदस्यीय प्रदेश सभामा सरकार बनाउन ५४ जना सांसद आवश्यक पर्छ । कांग्रेस र एमाले मिल्दा ४७ मत पुग्छ ।

प्रदेश सभामा जनता समाजवादी पार्टी, नेपालका १९ जना, जनमत पार्टीका १३ जना छन् । लोकतान्त्रिक समाजवादी पार्टी नेपाल र माओवादी केन्द्रका ९/९ जना छन् ।

नेकपा एकिकृत समाजवादीका ७ जना छन् । नेपाल संघीय समाजवादी पार्टी, नागरिक उन्मुक्ति पार्टी र राष्ट्रिय प्रजातन्त्र पार्टीका एक/एक जना रहेका छन् ।