९ असोज, काठमाडौं । विभिन्न स्थानमा सडक अवरुद्ध भएसँगै हवाई उडानमा यात्रु चाप बढ्न सक्ने भन्दै सरोकारवालाले हवाई यात्रा सहजीकरण गर्ने निर्णय गरेका छन् ।
मंगलबार प्राधिकरणमा मन्त्रालय, प्राधिकरण र हवाई सेवासँग सम्बन्धित सरोकारवालाको बैठकले यस्तो निर्णय गरेको हो ।
बैठकले चाडपर्व अवधिभरि सबै वायुसेवा कम्पनीले स्वीकृत उच्चतम भाडा दरभन्दा कम भाडा दरमा टिकट उपलब्ध गराउने निर्णय गरेको छ ।
त्यस्तै वायुसेवा कम्पनीको क्षमता र थप मागका आधारमा उडान सुरक्षा प्रत्याभूति सहित प्राधिकरणले थप उडान अनुमतिका लागि सहजीकरण गर्ने निर्णय समेत गरेको मन्त्रालयका सूचना अधिकारी गोकर्णप्रसाद उपाध्यायले जानकारी दिए ।
अहिले काठमाडौंबाट नारायणगढसम्म पुग्ने सडक रुटका विभिन्न स्थानमा निरन्तर गएको पहिरोले सडक यातायात कष्टकर बनेको छ । जसले गर्दा दसैंका बेला उपत्यका छाड्ने यात्रुलाई सास्ती भइरहेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
Insert%20Rename%20Macros.jpeg "House for Sale at Imadol")
प्रतिक्रिया 4