बाढीपहिरोबाट कोशीमा ४९ जनाको मृत्यु, ६ हजार विस्थापित

News Summary

Generated by OK AI. Editorially reviewed.

कोशी प्रदेशमा अविरल वर्षासँगै आएको बाढी र पहिरोका कारण मृत्यु हुनेको संख्या ४९ पुगेको छ भने १७ जना घाइते भएका छन्।
इलाममा पहिरोमा परी ३७ जनाको मृत्यु भएको छ र १ जना पुरुष अझै बेपत्ता छन् भने मृतकमा १३ पुरुष, १४ महिला, ३ बालक र ७ बालिका छन्।
बाढीका कारण झापामा ५ हजार ४२५, मोरङमा ३८६ र सुनसरीमा ४५ घरपरिवार विस्थापित भएका छन्।

१९ असोज, विराटनगर। अविरल वर्षासँगै आएको बाढी र पहिरोका कारण कोशी प्रदेशका मृत्यु हुनेको संख्या ४९ पुगेको छ । १७ जना घाइते भएका छन् । देशभर ५२ जनाको मृत्यु भएको प्रहरीको तथ्याङ्क छ ।

कोशी प्रदेश प्रहरी कार्यालय विराटनगरका अनुसार पहिरोमा परी इलाममा मात्रै ३७ जनाको मृत्यु भएको छ । १ जना अझै बेपत्ता छन् । मृतक मध्ये १३ जना पुरुष र १४ जना महिला र ३ जना बालक र ७ जना बालिका छन् । इलाममा १ जना पुरुष बेपत्ता छन् ।

प्रहरीका अनुसार बाढी र पहिरोमा परी पाँचथरमा २ जनाको मृत्यु भएको छ । शनिबार भएको दुर्घटनामा ६ जनाको मृत्यु भएको थियो । बाढीमा परी उदयपुरमा २ जना र खोटाङमा २ जनाको मृत्यु भएको छ।