अरनिको राजमार्गको दोलालघाट नजिक खसेको सुक्खा पहिरोमा दुई जना घाइते

News Summary

Generated by OK AI. Editorially reviewed.

काभ्रेपलाञ्चोकको दोलालघाट नजिक अरनिको राजमार्गमा सुख्खा पहिरोसँगै खसेको ढुंगाले मोटरसाइकलमा सवार दुई जना घाइते भएका छन्।
मोटरसाइकल चालक प्रेमबहादुर श्रेष्ठ र उनकी छोरी अपेक्षा श्रेष्ठलाई धुलिखेल अस्पतालमा उपचार भइरहेको छ।
घाइतेमध्ये चालक श्रेष्ठको अनुहार र देब्रे हातमा चोट लागेको छ भने अपेक्षा सामान्य घाइते भएकी छिन्।

२१ असोज, काभ्रेपलाञ्चोक। काभ्रेको दोलालघाट नजिक अरनिकाे राजमार्गमा माथिबाट खसेको सुख्खा पहिरोसँगै ढुंगाले लागेर मोटरसाइकलमा सवार दुई जना घाइते भएका छन् ।

मंगलबार जिरोकिलोबाट दोलालघाटतर्फ जाँदै गरेको बा ७५ प ५०९५ नं. को माेटरसाइकललाई काभ्रे भुम्लु गाउँपालिका १० चाखोलामा सुख्खा पहिरोसँगै खसेको ढुंगाले लागेको थियो।

ढुंगाले लागेर मोटरसाइकल चालक सिन्धुपाल्चोकको त्रिपुरासुन्दरी गाउँपालिका ५ बस्ने बर्ष ४१ का प्रेमबहादुर श्रेष्ठ र उनकी छोरी वर्ष १० की अपेक्षा श्रेष्ठ रहेका छन् ।

चालक श्रेष्ठको अनुहार र देब्रे हातमा चो‍ट लागेको छ । अपेक्षा सामान्य घाइते छिन् । दुवैको धुलिखेल अस्पतालमा उपचार भईरहेको जिल्ला प्रहरी कार्यालय काभ्रेका प्रमुख कोमल शाहले जानकारी दिए ।