‘स्क्विड गेम’ स्टार भेटेपछि गौमाया गुरुङ : भेट अविश्वसनीय

News Summary

Generated by OK AI. Editorially reviewed.

अभिनेत्री गौमाया गुरुङ दक्षिण कोरियामा आयोजित बुसान अन्तर्राष्ट्रिय फिल्म फेस्टिभलमा फिल्म ‘सेप अफ मोमो’को प्रिमियरमा सहभागी भएकी थिइन्।
गौमायाले नेटफ्लिक्स श्रृंखला ‘स्क्विड गेम’का भिलेन ली ब्युङ-हनसहित चर्चित दक्षिण कोरियाली कलाकारसँग भेटेर फोटो इन्स्टाग्राममा सेयर गरिन्।
गौमायाले भेटलाई अविश्वसनीय बताउँदै कथाकार र कलाकारसँग भेट पाउँदा आभारी रहेको उल्लेख गरिन् र आफ्नो आगामी फिल्महरूमा काम गरिरहेकी छिन्।

काठमाडौँ । अभिनेत्री गौमाया गुरुङ केही साताअघि दक्षिण कोरिया पुगेकी थिइन् । त्यहाँ आयोजना गरिएको बुसान अन्तर्राष्ट्रिय फिल्म फेस्टिभलमा उनको फिल्म ‘सेप अफ मोमो’ प्रिमियर गरिएको थियो ।

सो क्रममा उनले चर्चित दक्षिण कोरियाली फिल्म र सिरिजका स्टारलाई भेटेकी थिइन् । उनले ती कलाकारसँगको फोटो इन्स्टाग्राममा सेयर गरेकी छन् । उनले भेटलाई अविश्वसनीय रहेको बताएकी छन् ।

उनले भेटेका चर्चित अनुहारमध्ये एक थिए विश्वचर्चित नेटफ्ल्क्सि श्रृंखला ‘स्क्विड गेम’का फ्रन्टम्यान अर्थात भिलेन ली ब्युङ-हन ।

उनीसँगको भेटपछि गौमायाले चर्चित कथाकार र कलाकारको भेटलाई अविश्वसनीय रहेको बताएकी छन् ।

उनी लेख्छिन्, ‘अनि यो भयो..। अविश्वसनीय कथाकारहरू, कलाकारहरू भेट्न पाउँदा धेरै आभारी छु, जसका कामहरूको म लामो समयदेखि प्रशंसा गर्दै आएको छु । सबैजनाको सुरुवात कहिँकतैबाट हुन्छ भन्ने विश्वासलाई बलियो बनाउनुपर्छ भन्ने आशा र विश्वास हुनुपर्छ ।’

कामको कुरा गर्दा, गौमायाले ‘कबड्डी ४’सहित फूलबारी, महाजात्रा, राजागञ्ज, महाभोज, रिमै लगायतका फिल्ममा अभिनय गरेकी छन् ।