धीरज-मिरुना स्टारर फिल्म ‘मैझारो’ शुक्रबारदेखि हलमा

News Summary

Generated by OK AI. Editorially reviewed.

विल्सनविक्रम राईको डेब्यू निर्देशन रहेको कथानक फिल्म 'मैझारो' शुक्रबारदेखि देशब्यापी कम्तीमा ८० शोजसहित प्रदर्शनमा आएको छ।
फिल्म 'मैझारो'को कथावस्तु त्रिकोणात्मक प्रेम सम्बन्धमा आधारित छ र इलामको दृश्यमा प्रस्तुत गरिएको छ।
शुक्रबार 'सोल्टिनी' ५१, 'वरिष्ठ बलराम' १०४ र 'जेरी अन टप' १२७ शोजसहित प्रदर्शनमा छन् र विदेशी फिल्मले शो संख्या विभाजन गरेको छ।

काठमाडौं । विल्सनविक्रम राई ‘तक्मे बुढा’को डेब्यू निर्देशन रहेको कथानक फिल्म ‘मैझारो’ शुक्रबारदेखि देशब्यापी प्रदर्शनमा आएको छ ।

कम्तीमा ८० शोजसहित फिल्म प्रदर्शनमा आएको छ । धीरज मगर, मिरुना मगर र दीया पुनजस्ता चर्चित कलाकार समावेश यो फिल्मको कथावस्तु त्रिकोणात्मक प्रेम सम्बन्धमा आधारित छ ।

इलामको दृश्यमा निर्देशक तथा अभिनेता राईले कथा पेश गरेका छन् । दर्शकले पहिलोपटक धीरज-मगर-दीयालाई स्क्रिन सेयर गरेको हेर्न पाउनेछन् ।

सोसल–ड्रामा जनरामा बनेको फिल्मको रनटाइम १४१ मिनेट छ । प्रेम कथामा आधारित यो फिल्म तिहार र छठको छेकोमा रिलिज भएको हो । तपाईंलाई पूर्वी नेपालको परिवेशमा आधारित प्रेमकथाको फिल्म हेर्न रुचि छ भने यो फिल्म दर्शनीय हुनसक्छ ।

शुक्रबारको लागि अर्को फिल्म ‘सोल्टिनी’को शोज संख्या कम्तीमा ५१, ‘वरिष्ठ बलराम’को १०४ र ‘जेरी अन टप’को १२७ शोज छन् । यही समयमा विदेशी फिल्म पनि प्रदर्शनरत रहेकाले हलले शो संख्या विभाजन गरेको देखिएको छ ।