१२ कात्तिक, काठमाडौं । जेनजी आन्दोलनको क्रममा लुटिएका प्रहरीका ७२३ हतियार फिर्ता भएका छन् ।
आज बुधबारसम्मको तथ्यांकअनुसार ७२३ हतियार फिर्ता आएको नेपाल प्रहरीका केन्द्रीय प्रवक्ता तथा डीआईजी विनादे घिमिरेले बताए ।
‘७२३ हतियार रिकभर गर्न सफल भएका छौं । काठमाडौंमा लुटिएको हतियार कैलालीसम्म पुर्याइएको रहेछ,’ प्रवक्ता घिमिरेले अनलाइनखबरसँ भने ।
जेनजी आन्दोलनको क्रममा सानो ठूलो गरेर नेपाल प्रहरीका मात्रै १ हजार २७१ हतियार लुटपाट तथा हराएका थिए । केही हतियार बेवारिसे अवस्थामा भेटिएको, केहीलाई हतियारसहित पक्राउ गरिएको र केहीले भने आफैं हतियार बुझाएको प्रहरीले बताएको छ ।
अझै ५४८ हतियार फिर्ता हुन बाँकी नै छ । लुटिएका हतियार खोजी गर्न सातै प्रदेशमा डीएसपीको कमाण्डमा टोली बनाएर खोजीको काम भइरहेको छ ।
प्रहरीका हतियार लुटेर पोजिसन लिँदै गरेको भिडिओ, तस्वीर प्रदर्शनकारी स्वयंले सार्वजनिक गरेका थिए । पेस्तोल, बन्दुक, ग्यास गनलगायत हतियार लुटिएको प्रहरीको भनाइ छ ।
नेपाल प्रहरीलाई यसअघि समेत हतियार अपुग भन्दै पटकपटक किन्ने प्रक्रिया अघि बढाउँदै रोकिँदै आएको थियो । यही अवस्थामा अहिले १ हजार २१७ थान प्रहरीका हतियार लुटिएका छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land on sale at Balkot")
प्रतिक्रिया 4