सुरक्षा पन्त स्टारर ’धागो’ को ट्रेलर : पारिवारिक उल्झनमा मर्मस्पर्शी कथा

News Summary

Generated by OK AI. Editorially reviewed.

भारतको डुवर्समा निर्माण गरिएको नेपाली भाषाको फिल्म ‘धागो’ को आधिकारिक ट्रेलर सार्वजनिक भएको छ।
फिल्म ‘धागो’ मा परिवारभित्रको भावनात्मक सम्बन्ध, आर्थिक कठिनाइ र सामाजिक दुरावस्थाको मार्मिक चित्रण गरिएको छ।
फिल्म ‘धागो’ २८ कात्तिक २०७९ मा नेपाल र भारतमा प्रदर्शन तयारीमा छ।

काठमाडौं । भारतको डुवर्समा निर्माण गरिएको नेपाली भाषाको फिल्म ‘धागो’ को आधिकारिक ट्रेलर सार्वजनिक भएको छ ।

ट्रेलरले कथावस्तुको भावलाई प्रस्ट्याएको छ, जसमा परिवारभित्रको भावनात्मक सम्बन्ध, आर्थिक कठिनाइले निम्त्याएका समस्या र सामाजिक दुरावस्थाको मार्मिक चित्रण छ ।

ट्रेलरमा सन्तानको सपना र इच्छा पूरा गर्न आमाबुवाले गर्ने अथक प्रयत्नलाई पनि दर्शाइएको छ । गहन कथावस्तुस कमेडी पनि समावेश गरिएको छ ।

उदीप राना थापा निर्देशित यो फिल्म नेपाल-भारत सीमावर्ती क्षेत्रमा बसोबास गर्ने नेपाली परिवारको जीवन, सांस्कृतिक सम्बन्ध र आपसी भावनात्मक धागोलाई कथाको केन्द्रमा राखेर बुनिएको छ ।

फिल्मको शीर्ष भूमिकामा अभिनेत्री सुरक्षा पन्त देखिएकी छन् । उनीसँगै प्रभात थापा, सुरभी थापा, बुद्धि तामाङ, सुनिल थापा लगायतको पनि अभिनय छ । अभिनेत्री वर्षा राउत केमियो भूमिकामा देखिनेछिन् ।

म्याग्नेट इन्टरटेन्मेन्ट प्रोडक्सन हाउसले फिल्म निर्माण गरेको हो । उमा थापा, उत्तम थापा र निर्देशक थापा निर्माताको रुपमा छन् । छायाङ्कन अनिकेर एम घोघले गरेका हुन् ।

फिल्म ‘धागो’ २८ कात्तिक (१४ नोभेम्बर) मा नेपाल र भारतमा प्रदर्शन तयारीमा छ ।