सुगर ड्याडीको भूमिकामा ‘काजी बा’, एसटी म्यानसँग सांगीतिक सहकार्य

र्‍यापर एसटी म्यानको पछिल्लो म्युजिक भिडियो सिनेमाबाट लिइएको स्क्रिन सट्मा रामचन्द्र अधिकारी ।

News Summary

Generated by OK AI. Editorially reviewed.

अभिनेता रामचन्द्र अधिकारीले चर्चित र्‍यापर एसटी म्यानको गीत 'सिनेमा' मा हिपहप अवतारमा क्यामियो भूमिका निभाएका छन्।
यो भिडियोमा सोमिया बराइली पनि देखिएकी छिन् र भिडियोले अहिलेसम्म ११ लाखभन्दा बढी भ्युज पाएको छ।
रामचन्द्र अधिकारीले टिकटकबाट गीतको प्रचारप्रसार हिपहप अवतारमा गरिरहेका छन्।

काठमाडौं । टिभी श्रृंखला ‘मेरी बास्सै’मा गोक्ते काजी (काजी बा) को भूमिकामा प्रसिद्ध अभिनेता रामचन्द्र अधिकारी यतिबेला चर्चामा छन् ।

नहोस् पनि किन ? अहिलेका चर्चित र्‍यापर एसटी म्यानको नयाँ सांगीतिक भिडियो ‘सिनेमा’ मा उनी हिपहप अवतारमा प्रस्तुत छन् ।

छोटो तर आकर्षक भूमिकाले उनलाई जेनजी दर्शकमाझ चर्चा दिइरहेको छ । यो रोमान्टिक भिडियोको अन्त्यतिर काजी बालाई क्यामियो रोलमा देख्न सकिन्छ ।

अनुहारमा लिपस्टिकको छाप लगाएको हुलियामा उनी देखिएका छन् । भिडियोमा सोमिया बराइली हट देखिएकी छिन् ।

सम्भवतः काजी बाको हिपहप भिडियोमा अभिनय गरेको यो पहिलो अवसर हो । उनले यो गीतको प्रचारप्रसार पनि टिकटकबाट हिपहप अवतारमा प्रस्तुत भएर गरिरहेका छन् ।

प्रशस्तै कथानक फिल्म र सिरियलमा अभिनय अनुभव बटुलेका रामचन्द्र अधिकारी अहिलेका प्रिय कलाकारमध्ये हुन् ।

भिडियोलाई अहिलेसम्म ११ लाखभन्दा धेरै पटक हेरिएको छ ।