बेमौसमी वर्षाले गुल्मीमा ५ करोडको धानबाली नष्ट

News Summary

Generated by OK AI. Editorially reviewed.

गुल्मीमा हालैको बेमौसमी वर्षाले पाँच करोड रुपैयाँबराबरको धानबाली नष्ट भएको छ।
जिल्लामा सात हजार ९८८ हेक्टरमा धानखेती गरिएकोमा २२ हजार ९०९ मेट्रिक टन उत्पादन हुने प्रक्षेपण गरिएको थियो।
वर्षाले एक हजार २६० मेट्रिक टन धान नष्ट भएको र चौरासी फाँटमा ४० प्रतिशत धान नोक्सान भएको कृषि ज्ञान केन्द्रले जनाएको छ।

२० कात्तिक, गुल्मी। हालैको बेमौसमी वर्षाले गुल्मीमा पाँच करोड रुपैयाँबराबरको धानबाली नष्ट भएको छ। जिल्लामा यस वर्ष सात हजार ९८८ हेक्टर क्षेत्रफलमा धानखेती गरिएकोमा २२ हजार हजार ९०९ मेट्रिक टन उत्पादन हुने प्रक्षेपण गरिएको थियो।

कृषि ज्ञान केन्द्रका सूचना अधिकारी टीकाराम न्यौपानेका अनुसार वर्षाले एक हजार २६० मेट्रिक टन धान नष्ट भएको छ। त्यसलाई सरकारले निर्धारण गरेको समर्थन मूल्यमा हिसाब गर्दा पाँच करोड बराबरको क्षति भएको हो।

गुल्मीको सबैभन्दा धेरै धान उत्पादन हुने चौरासी फाँटमा ९९९ हेक्टरमा लगाइएको धानमध्ये ४० प्रतिशत नोक्सान भएको उनले बताए। इस्मा गाउँपालिका–६ का कृष्णप्रसाद घिमिरेको काटिसकेको १८ रोपनी खेतको धानमा पनि क्षति भएको छ।

त्यसैगरी, अर्का किसान नीराजन भण्डारीको पनि १९ रोपनी खेतमा काटेको धान भिजेको छ। उनी यो वर्षको प्राकृतिक विपत्तिबाट अधिक पीडित भएको स्थानीयले बताएका छन्।