१५ फिल्मकर्मीलाई ‘सांस्कृतिक रुपान्तरण सम्मान तथा पुरस्कार’ प्रदान

News Summary

Generated by OK AI. Editorially reviewed.

चलचित्र विकास बोर्डले १५ जना फिल्मकर्मीलाई सामाजिक तथा सांस्कृतिक रूपान्तरणमा योगदान पुर्‍याएबापत 'सांस्कृतिक रूपान्तरण सम्मान तथा पुरस्कार' प्रदान गरेको छ।
सञ्चार तथा सूचना प्रविधिमन्त्री जगदीश खरेलले सोमबार बोर्डमा आयोजित कार्यक्रममा २० हजार नगद पुरस्कार तथा सम्मानपत्र प्रदान गर्नुभयो।
पुरस्कारमा शिव श्रेष्ठ, सबिता गुरुङ, तीर्थ थापा, यशकुमार लगायतका कलाकारहरू समावेश छन् र स्व. केशव भट्टराईलाई मरणोपरान्त सम्मान दिइएको छ।

काठमाडौँ । चलचित्र विकास बोर्डले १५ जना फिल्मकर्मीलाई ‘सांस्कृतिक रूपान्तरण सम्मान तथा पुरस्कार’ प्रदान गरेको छ ।

नेपाली चलचित्र क्षेत्रको सामाजिक तथा सांस्कृतिक रूपान्तरणमा योगदान पुर्‍याएबापत उनीहरूलाई पुरस्कृत गरिएको हो ।

सोमबार बोर्डमा आयोजित कार्यक्रममा सञ्चार तथा सूचना प्रविधिमन्त्री जगदीश खरेलले सम्मान तथा पुरस्कार प्रदान गरे ।

२० हजार नगद पुरस्कार तथा सम्मानपत्र प्रदान गरिएको थियो । सम्मानित हुनेमा शिव श्रेष्ठ, सबिता गुरुङ, तीर्थ थापा, यशकुमार, ध्रुव लम्साल, रम्यता लिम्बु, सम्झना उप्रेती, युवराज लामा, हेमन्त बुढाथोकी, किसन पोखरेल छन् ।

नाजिर हुसेन, रिमेश अधिकारी, रेनिस फागो, अन्जु पन्तलाई पनि पुरस्कृत गरियो । स्व. केशव भट्टराईलाई मरणोपरान्त पुरस्कार दिइयो ।

पुरस्कारले कलाकारको योगदानलाई स्मरण गरेको बोर्ड अध्यक्ष दिनेश डीसीले बताए । कार्यक्रममा कलाकार संघ, निर्माता संघ, प्राविधिक संघ, पत्रकार संघ, तालिम तथा केन्द्रीय छनोट समिति लगायतका प्रतिनिधिको उपस्थिती थियो ।