चन्द्रागिरी हिल्स केबुलकार नोक्सानीमा

News Summary

Generated by OK AI. Editorially reviewed.

चन्द्रागिरी हिल्स कम्पनीले चालु आर्थिक वर्षको पहिलो त्रैमासमा १ करोड २४ लाख रुपैयाँ नोक्सानी व्यहोरेको छ।
भदौ २४ गते जेनजी आन्दोलनका क्रममा तोडफोड र आगजनीले केबुलकार सेवा दुई महिना बन्द भएको थियो।
कम्पनीको कुल आम्दानी गत आवको पहिलो त्रैमासमा १९ करोड ५८ लाख रुपैयाँबाट चालु आवमा १३ करोड ८७ लाख रुपैयाँमा घटेको छ।

३० कात्तिक, काठमाडौं । चन्द्रागिरी हिल्स केबुलकार नोक्सानीमा गएको छ । कम्पनीले सार्वजनिक गरेको चालु आर्थिक वर्षको पहिलो त्रैमासमा १ करोड २४ लाख रुपैयाँ नोक्सानी छ ।

गत आर्थिक वर्षको यसै अवधिमा कम्पनी २ करोड ५५ लाख रुपैयाँ खुद नाफामा थियो । जेनजी आन्दोलनका क्रममा भदौ २४ गते चन्द्रागिरी हिल्समा पनि तोडफोड र आगजनी भएका कारण रिसोर्टसहितका सेवा बन्द हुँदा असर परेको कम्पनीले स्पष्ट पारेको छ । बटम स्टेसनमा तोडफोड भएसँगै केबुलकार सेवा करिब २ महिना पूर्ण रुपमा बन्द भएको थियो ।

यसले कम्पनीको सञ्चालन आम्दानी घटेको छ । कुल आम्दानी गत आवको पहिलो त्रैमासमा १९ करोड ५८ लाख रुपैयाँ रहेकोमा चालु आवको सोही अवधिमा १३ करोड ८७ लाख रुपैयाँ छ ।

बैंक ब्याज घट्दा कम्पनीको वित्तीय लागत पनि घटेको छ । यस्तो लागत पहिले ४ करोड ४९ लाख रुपैयाँ रहेकोमा अहिले ३ करोड ४१ लाख रुपैयाँ छ ।

कम्पनीको प्रतिसेयर आम्दानी ०.८१ रुपैयाँ ऋणात्मक छ। १ अर्ब ५३ करोड रुपैयाँ चुक्ता पूँजी रहेको यस कम्पनीको प्रतिसेयर नेटवर्थ १०६.८० रुपैयाँ छ ।