१४ मंसिर, काठमाडौं । काठमाडौं महानगरपालिकाका मेयर बालेन शाहलाई पितृशोक परेको छ । उनका बुवा रामनारायण शाहको केहीबेरअघि नयाँ बानेश्वरको सिभिल अस्पतालमा निधन भएको हो ।
उनलाई आइतबार बिहान बेहोसी अवस्थामा नै अस्पताल पुर्याइएको थियो ।
अस्पताल स्रोतका अनुसार, उनलाई आइतबार बिहान अवस्था गम्भीर भएपछि बेहोसी अवस्थामा नै परिवारका सदस्यले अस्पताल लगेका थिए ।
एक चिकित्सकले दिएको जानकारी अनुसार, उनी एक सातादेखि बिरामी थिए । उनलाई मधुमेह थियो भने पिसाब संक्रमणले थप बिरामी परेका थिए ।
अस्पताल पुर्याउने बेलासम्ममा पिसाब संक्रमण उनको शरीरभरि फैलिएको ती चिकित्सकले जानकारी दिए ।
‘एक सातादेखि बिरामी हुनुहुँदोरहेछ । मधुमेह र पिसाबको संक्रमण थियो । बेहोसीमै अस्पताल ल्याइएको थियो,’ ती चिकित्सकले अनलाइनखबरसँग भने ।
बालेनका बुवालाई अस्पताल लगिएको थाहा पाएपछि प्रधानमन्त्री सुशीला कार्की सोमबार बिहान अस्पताल पुगेकी थिइन् । प्रधानमन्त्री कार्कीले शाहसहित भेन्टिलेटरमा उपचाररत अन्य बिरामीको स्वास्थ्यअवस्थाबारे पनि जानकारी लिएकाे तले जानकारी दिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4