‘मंगोलियन हार्ट’ पहिलोपटक बेलायतमा गुञ्जिने

News Summary

Generated by OK AI. Editorially reviewed.

लोकप्रिय नेपाली पप ब्याण्ड 'मंगोलियन हार्ट' सन् ९० को दशकको हिट गीतसहित १३ डिसेम्बरमा बेलायतको लन्डनस्थित ह्यारो सेन्टरमा लाइभ प्रस्तुति दिनेछ।
ब्यान्डका ब्यवस्थापक तथा गिटारिस्ट बबी लामाले कार्यक्रमको सबै तयारी पूरा भएको र युकेका दर्शकलाई लाइभ प्रस्तुतिसँग जोड्न लालायित रहेको बताए।
मंगोलियन हार्ट सन् १९९२ मा स्थापना भएको र लोक, स्लो रक, पप मेलोडी जनरामा गीत गाउने ब्यान्ड हो जसमा राजु लामा, बबी लामा, सन्तोष थापामगर लगायत सदस्य छन्।

काठमाडौं । लोकप्रिय नेपाली पप ब्याण्ड ‘मंगोलियन हार्ट’ बेलायतमा गुञ्जिने भएको छ । सन् ९० को दशकको यो बहुचर्चित ब्याण्डले नेपाली डायस्पोरामा १३ डिसेम्बरमा लाइभ प्रस्तुति दिन लागेको हो ।

यसका लागि ब्याण्ड बुधबार त्यसतर्फ प्रस्थान गर्दैछ । लन्डनस्थित ह्यारो सेन्टरमा ब्याण्डले प्रस्तुति दिने प्रेषित विवरणमा उल्लेख छ । कन्सर्ट आयोजना जीटी बेस इन्टरटेन्मेन्टले गरेको हो ।

कन्सर्ट ब्याण्डले आफ्ना हिट गीतमा दर्शक नचाउनेछ । पर्खाइमा, बादलपारिको देशबाट, गाजलु टीका, सुम्निमा, म माया लाउँदिन, तिमीलाई देखेर, सायद तिम्रो बाटोमा लगायत दर्जनौँ हिट गीत ब्याण्डका छन् ।

ब्यान्ड ब्यवस्थापक तथा गिटारिस्ट बबी लामाले कार्यक्रमको सबै तयारी पूरा भएको बताए । ‘हामी सबै तयार छौं र युकेका दर्शकलाई लाइभ प्रस्तुतिसँग जोड्न पाउँदा लालायित पनि छौँ,’ उनले भने ।

३३ वर्षअघि सन् १९९२ मा स्थापना भएको ब्यान्डले लोक, स्लो रक, पप मेलोडीलगायतका जनरामा गीत गाएको छ । ब्यान्डमा राजु लामा मुख्य गायक, रिदम गिटारमा बबी लामा, ड्रममा सन्तोष थापामगर, लिड गीटाररमा भूपेन्द्र बज्राचार्य, बेसमा पवन कपाली, बाँसुरीमा विनय महर्जन र मादलमा बाबुराजा महर्जन छन् ।