पहिलो पटक चुनाव लड्न लागेका विप्लव रोल्पाबाट एकल सिफारिस

News Summary

Generated by OK AI. Editorially reviewed.

नेकपा माओवादीले आउँदो संसदीय चुनावमा महासचिव नेत्रविक्रम चन्द विप्लवलाई रोल्पाबाट एकल रूपमा सिफारिस गरेको छ।
नेता अनिल बिरहीले विप्लवलाई प्रतिनिधिसभा निर्वाचनमा रोल्पाबाट एकल सिफारिस गरिएको जानकारी दिएका छन्।
रोल्पाबाट नेपाली कम्युनिष्ट पार्टीका संयोजक प्रचण्ड र नेता वर्षमान पुन पनि उम्मेदवार सिफारिस भएका छन्।

२३ पुस, बुटवल । आउँदो संसदीय चुनावमा भाग लिने निर्णय गरेको नेकपा माओवादीले पार्टीका महासचिव नेत्रविक्रम चन्द विप्लवलाई रोल्पाबाट एकल रूपमा सिफारिस गरेको छ ।

माओवादीका नेता अनिल बिरहीले महासचिव विप्लवलाई प्रतिनिधिसभा निर्वाचनमा रोल्पाबाट एकल सिफारिस गरेको जानकारी दिए । रोल्पा पुर्ख्यौली घर भएका विप्लव पछिल्लो समय कपिलवस्तुको शिवगढीमा बस्दै आएका छन् ।

एउटै निर्वाचन क्षेत्र रहेको रोल्पाबाट नेपाली कम्युनिस्ट पार्टीका संयोजक पुष्पकमल दाहाल प्रचण्ड, नेता वर्षमान पुन अनन्तलगायत पनि उम्मेदवार सिफारिस भएका छन् ।

रोल्पा माओवादी सशष्त्र युद्धको उद्गमस्थल मानिन्छ । २०७९ सालको निर्वाचनमा वर्षमानले यही क्षेत्रबाट निर्वाचन जितेका थिए ।