कांग्रेस नेता दिनेश कोइरालाले स्थगित गरे फिल्म ‘बिगुल’ को प्रदर्शन

News Summary

Generated by OK AI. Editorially reviewed.

कांग्रेस नेता दिनेश कोइरालाले शुक्रबारदेखि प्रदर्शन तयारीमा रहेको फिल्मको रिलिज स्थगित गरिएको घोषणा गर्नुभयो।
फिल्मको रिलिज स्थगित हुनुको ठोस कारण नखुलाएपनि विशेष प्राविधिक कारण रहेको कोइरालाले उल्लेख गर्नुभयो।
फिल्ममा बेनिशा हमाल, नरेन खड्का, नीर शाह लगायत कलाकारको अभिनय छ र नयाँ प्रदर्शन मितिबारे केही दिनभित्रै जानकारी गराइनेछ।

काठमाडौं । फिल्म निर्माता समेत रहेका कांग्रेस नेता दिनेश कोइरालाले शुक्रबारदेखि प्रदर्शन तयारीमा रहेको फिल्मको रिलिज स्थगित गरिएको घोषणा गरेका छन् ।

आफ्नो दलको पछिल्लो विकसित घटनाक्रम र नजिँकिदो चुनावको सन्दर्भलाई लिएर फिल्मको रिलिज रोकिएको कोइरालाले विज्ञप्तिमार्फत जनाएका छन् ।

यो फिल्म आउने शुक्रबारदेखि देशब्यापी प्रदर्शन तयारीमा थियो । उनले प्रदर्शन स्थगित गर्नुको ठोस कारण नखुलाएपनि विशेष प्राविधिक कारण भएको उल्लेख गरेका छन् ।

दर्शकलाई क्षमायाचना गर्दै उनले केही दिनभित्रै नयाँ प्रदर्शन मितिबारे जानकारी गराउने उनको भनाइ छ ।

रमेश कोइरालाको निर्देशनमा बनेको फिल्ममा बेनिशा हमाल, नरेन खड्का, नीर शाह, रमेश बुढाथोकी, विनोद न्यौपाने, शिशिर बाङ्देल, हेमन्त बुढाथोकी, गीता अधिकारी, रविन्द्र खड्का, मीरा पण्डितको अभिनय छ ।