यी हुन् फेक रेस्क्यूमा ठगी गर्ने कम्पनी

Photo Credit : आर्यन धिमाल

News Summary

Generated by OK AI. Editorially reviewed.

नेपाल प्रहरीको केन्द्रीय अनुसन्धान ब्युरोले तीन कम्पनीमार्फत विदेशी पर्यटकलाई फेक रेस्क्यू गरी ठगी भइरहेको जानकारी दिएको छ।
माउन्टेन रेस्क्यू सर्भिस प्रालिले १२४८ मध्ये १७१ जनाको फेक रेस्क्यू गरी १ करोड अमेरिकी डलर बीमा दाबी गरेको खुलेको छ।
नेपाल चार्टर सर्भिसले ४७१ मध्ये ७५ र एभरेस्ट एक्सपिरियन्सले ६०१ मध्ये ७१ जनाको फेक रेस्क्यू गरी बीमा दाबी गरेको पाइएको छ।

११ माघ, काठमाडौं । नेपाल प्रहरीको केन्द्रीय अनुसन्धान ब्युरो (सीआईबी)ले पर्वतारोहण तथा ट्रेकिङका लागि आएका विदेशी पर्यटकलाई ठगी गर्दै कसरी फेक रेस्क्यू हुँदै आएको छ भन्नेबारे जानकारी गराएको छ ।

सीआईबीले आइतबार पत्रकार सम्मेलन गरी तीन वटा कम्पनीमार्फत फेक रेस्क्यू भएको जानकारी दिएको हो ।

माउन्टेन रेस्क्यू सर्भिस प्रालिले १२४८ जनामध्ये १७१ जनाको फेक रेस्क्यू गरेको सीआईबीको अनुसन्धानबाट खुलेको हो । योबाट उसले १ करोड बढी अमेरिकी डलर बीमा दाबी गरेको पाइएको छ ।

त्यस्तै नेपाल चार्टर सर्भिस प्रालिले ४७१ जना रेस्क्यू गर्दा ७५ जनाको फेक रेस्क्यू गरेको खुलेको छ । उनीहरूले ८२ लाख डलर माग दाबी गरेको अनुसन्धानमा खुलको छ ।

त्यस्तै एभरेस्ट एक्सपिरियन्स एण्ड एसिस्टेन्स प्रालिले ६०१ जनामध्ये ७१ पर्यटकको शंकास्पद रेस्कयू गरेको पाइएको हो । उनीहरूले यसबापत ११ लाख ५३ हजार अमेरिकी डलर माग दाबी गरेको पाइएको छ ।