छोरीको स्मृति दिवसमा चित्रकार रागिनीले बाँडिन् शैक्षिक सामग्री

News Summary

Generated by OK AI. Editorially reviewed.

वरिष्ट चित्रकार रागिनी उपाध्यायले २१ माघ झापाका केही विद्यालयमा १०० बढी विपन्न विद्यार्थीलाई शैक्षिक सामग्री वितरण गरेकी छिन्।

२३ माघ, काठमाडौं । वरिष्ट चित्रकार रागिनी उपाध्यायले आफ्नी दिवंगल छोरी शिवताको स्मृति दिवसमा शैक्षिक सामग्री वितरण गरेकी छिन् । २१ माघ बिहीबार उपाध्यायले झापाका केही विद्यालयमा शैक्षिक सामग्री वितरण गरेकी हुन् ।

उनले श्री बाल आधारभूत विद्यालय, कचनकवल–६, झापा, श्री ग्राम देवता आधारभूत विद्यालय, रंगेली, मोरङमा विद्यार्थीहरूलाई झोला वितरण गरिन् । यसबाट १०० बढी विद्यार्थीहरू लाभावन्तित भएको उनले जानकारी दिइन् । उनका अनुसार विद्यालयहरूमा आर्थिक रूपमा विपन्न बालबालिकाहरूलाई सहयोग गरिएको हो ।

उपाध्यायकी छोरी कलिलो उमेरमै रोगका कारण बितेकी थिइन् । त्यसयता शिवता लभ फाउन्डेशन स्थापना गरेर हरेक वर्ष छोरीको स्मृति दिवसमा उनले विद्यार्थीहरूलाई सहयोग गर्दै आइरहेकी छिन् । रागिनी नेपाल ललित कला प्रतिष्ठानकी पहिलो महिला उपकूपलति हुन् ।