१२ फागुन, दाङ । नेकपा एमालेका महासचिव शंकर पोखरेलले देशको नेतृत्व गर्न अनुभव चाहिने दाबी गरेका छन् । मंगलबार घोराहीमा आयोजित चुनावी सभालाई सम्बोधन गर्दै महासचिव पोखरेलले अहिलेको अवस्थामा देश चलाउने अनुभव एमालेसँग मात्रै रहेको दाबी गरेका हुन् ।
‘अहिलेजस्तो संकटको अवस्थामा राष्ट्रको नेतृत्व गर्न सक्षम र अनुभव चाहिन्छ,’ पोखरेलले भने, ‘त्यस्तो सक्षम र अनुभवी पार्टी एमाले मात्र हो ।’
दाङ-२ मा प्रतिनिधिसभा उम्मेदवारसमेत रहेका महासचिव पोखरेलले विगतमा एमालेलाई जिताउन नसक्दा दाङ विकासको प्रतिस्पर्धामा पछाडि परेको बताए । ‘केन्द्रमा एमालेको उपस्थिति राम्रो नभएसम्म दाङले अपेक्षित बजेट, योजना र नीतिगत प्राथमिकता पाउन सक्दैन । यो निर्वाचनमा एमालेले दाङको समृद्धिको नेतृत्व गर्छ,’ पोखरेलले भने ।
पोखरेलले दाङको पर्यटन प्रवर्द्धनतर्फ ध्यान दिँदै बाह्रकुने, ज्यामिरे र मौलाकोटलाई आकर्षक पर्यटकीय गन्तव्यका रूपमा विकास गर्न विशेष पहल गर्ने प्रतिबद्धता जनाए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4