१६ फागुन, काठमाडौं । कुवेतस्थित नेपाली राजदूतावासले मध्यपूर्व क्षेत्रमा विकसित पछिल्ला घटनाक्रमलाई मध्यनजर गर्दै कुवेत र इराकमा रहेका नेपाली नागरिकहरूलाई उच्च सतर्कता अपनाउन अनुरोध गरेको छ ।
राजदूतावासले शनिबार जारी गरेको सूचनामा कुवेत र इराक सरकारले जारी गरेका सुरक्षा सम्बन्धी निर्देशन तथा सूचनाहरूको कडाइका साथ पालना गर्न आग्रह गरिएको छ ।
अत्यावश्यक कामबाहेक यात्रा नगर्न, सम्भव भएसम्म घरभित्रै सुरक्षित रहन तथा आफ्नो वरपरको नेपाली समुदायसँग नियमित सम्पर्कमा रहन दूतावासले आग्रह गरेको छ ।
हाल कुवेतको हवाई क्षेत्र बन्द रहेको उल्लेख गर्दै कुवेतबाट बाहिरिने वा कुवेत आउने यात्रुहरूले सम्बन्धित वायु सेवा प्रदायकसँग सम्पर्क गरी आफ्नो उडान अवस्थाबारे जानकारी लिन पनि अनुरोध गरिएको छ ।
त्यस्तै, स्थानीय समाचार, सुरक्षा अलर्ट तथा सरकारी आधिकारिक निर्देशनहरूमा अद्यावधिक रहन र आफू कार्यरत कम्पनीका निर्देशनहरू पालना गर्न पनि राजदूतावासले आग्रह गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Apartment for Rent in Hattiban")
प्रतिक्रिया 4