बजारमा आउन थाल्यो कोइरालो, किलोको कति ?

News Summary

Generated by OK AI. Editorially reviewed.

फागुन दोस्रो सातादेखि बजारमा कोइरालो आउन थालेको व्यवसायीहरूले बताएका छन्।
कालीमाटी बजारमा कोइरालोको थोक मूल्य न्यूनतम ३२० देखि अधिकतम ३५० रुपैयाँ प्रतिकिलो रहेको छ।
कोइरालोको मुख्य सिजन चैत हो र यसको फूलको अचार बनाएर खाने गरिन्छ।

२६ फागुन, काठमाडौं । बजारमा कोइरालो आउन थालेको छ । व्यवसायीहरूका अनुसार फागुन दोस्रो सातादेखि बजारमा कोइरालो आउन थालेको हो ।

कोइरालोको मुख्य सिजन चैत हो । कालीमाटी बजारमा कोइरालो धादिङका विभिन्न ठाउँबाट भित्रिने गर्छ । कालीमाटी बजारको तथ्यांकले आज मंगलबार कोइरालो प्रतिकिलो थोकमा न्यूनतम ३ सय २० देखि अधिकतम ३ सय ५० र औसत ३ सय ३५ रुपैयाँमा किनबेच भइरहेको छ ।

२३ फागुनमा कोइरालो प्रतिकिलो थोकमा न्यूनतम ३ सय ५० देखि अधिकतम ४ सय र औसत ३ सय ७५ रुपैयाँमा किनबेच भएको थियो । सिजन सुरु भएसँगै कोइरालोको भाउ घट्ने व्यवसायी बताउँछन् ।

अहिले भर्खरै बजारमा आउन थालेकाले केही महँगो पर्न जाने व्यवसायीको भनाइ छ । कोइरालोको फूलको अचार बनाएर खाने गरिन्छ ।