बाइक-स्कुटर साटेर टियागो ईभी चढ्ने मौका, टाटा मोटर्सको देशभर एक्सचेन्ज क्याम्प

News Summary

Generated by OK AI. Editorially reviewed.

टाटा मोर्टसले नेपालमा विद्युतीय कार टियागो इभीको लागि 'स्विच टु टियागो इभी' एक्सचेन्ज योजना सार्वजनिक गरेको छ।
यो योजना अन्तर्गत ग्राहकले पुरानो बाइक वा स्कुटर साटेर ४ लाख ९९ हजार रुपैयाँ डाउनपेमेन्टमा टियागो इभी खरिद गर्न सक्नेछन्।
योजनामा पुराना सवारीको मूल्याङ्कन, नगद छुट, निःशुल्क एक्सेसरिज, एक वर्षको सवारी कर छुट, र निःशुल्क चार्जिङ सुविधा उपलब्ध छन्।

२८ फागुन, काठमाडौं । नेपालमा विद्युतीय सवारी साधनप्रति बढ्दो आकर्षणलाई लक्षित गर्दै सिप्रदीका लागि नेपालको आधिकारिक वितरक टाटा मोर्टसले विशेष एक्सचेन्ज योजना सार्वजनिक गरेको छ ।

‘स्विच टु टियागो इभी’ नाम दिइएको यो अभियान अन्तर्गत ग्राहकले आफ्नो पुरानो बाइक वा स्कुटर साटेर नयाँ टाटा टियागो इभी घर लैजान सक्नेछन् ।

यो विशेष क्याम्पेन शुक्रबार, शनिबार र आइतबार देशभर सञ्चालन हुनेछ । अभियान अन्तर्गत जुनसुकै ब्रान्डको बाइक वा स्कुटर प्रयोगकर्ताले आफ्नो सवारीको एक्सचेन्ज गरी आकर्षक सुविधासहित टियागो ईभी खरिद गर्न सक्ने व्यवस्था गरिएको कम्पनीले जनाएको छ ।

‘यस अफरमा ग्राहकले केवल ४ लाख ९९ हजार रुपैयाँ डाउनपेमेन्टमा टियागो इभी आफ्नो बनाउन सक्नेछन्’ कम्पनीले एक विज्ञप्तिमा भनेको छ ‘योजना अन्तर्गत पुराना दुई पाङ्ग्रे सवारीको उत्कृष्ट मूल्याङ्कन, आकर्षक नगद छुट, निःशुल्क एक्सेसरिज, र एक वर्षको सवारी कर छुट जस्ता विशेष सुविधा उपलब्ध हुनेछन् ।’

त्यसैगरी ग्राहकहरूले सिप्रदी नेटवर्कमार्फत आजीवन निःशुल्क डीसी फास्ट चार्जिङ, साथै निःशुल्क होम चार्जिङ इन्स्टलेसनको सुविधा समेत पाउने कम्पनीले जनाएको छ । सुरक्षित, आरामदायी र आधुनिक प्रविधियुक्त विद्युतीय कार प्रयोग गर्न चाहने ग्राहकका लागि यो योजना प्रभावकारी हुने कम्पनीको भनाइ छ ।