गुल्मीमा एक महिला मृत फेला, घटना संकास्पद

News Summary

Generated by OK AI. Editorially reviewed.

गुल्मीको मालिका गाउँपालिका–५ मा ४४ वर्षकी विमला सुनार मृत अवस्थामा फेला परेकी छन्।
प्रहरीले ट्याक्टरको ठक्करबाट मृत्यु भएको आशंकामा लु ४ त ७५५५ नम्बरको ट्याक्टर र चालकलाई नियन्त्रणमा लिएको छ।
मृतकको कानमा चोट रहेको र घटनास्थलमा प्रहरीले अनुसन्धान गरिरहेको छ।

६ चैत, गुल्मी । गुल्मीको मालिका गाउँपालिका–५ मा एक महिला मृत अवस्थामा फेला परेकी छन् । वडा नम्बर–७ बस्ने ४४ वर्षकी विमला सुनार मृत फेला परेकी हुन् ।

प्रहरीका अनुसार छापाहिले राङ्लास्थित राङ्लाबाट पैंयाखर्क जाने भित्री सडक खण्डमा उनी अचेत अवस्थामा फेला परेकी थिइन् ।

अचेत अवस्थामा फेला परेकी उनलाई उनको श्रीमान र स्थानीयले करिब ५० मिटर तल ग्राउन्डमा उद्धार गरी लगेका थिए । तर उनको मृत्यु भएपछि प्रहरीलाई खबर गरिएको थियो ।

प्रहरी चौकी इस्माबाट प्रहरी टोली घटनास्थल पुगेको छ । शवलाई पोष्टमार्टमका लागि गुल्मी अस्पताल ल्याइएको छ ।

ट्याक्टरको ठक्करबाट उनको मृत्यु भएको हुन सक्ने आशंकामा लु ४ त ७५५५ नम्बरको ट्याक्टर र चालकलाई प्रहरीले नियन्त्रणमा लिएको गुल्मीका प्रहरी नायब उपरीक्षक (डीएसपी) गंगाबहादुर सारुले बताए ।

मृत फेला परेकी महिलाको कानमा चोट रहेको प्रहरीले जनाएको छ । यससम्बन्धी थप विवरण खुल्न बाँकी रहेको र अनुसन्धान भइरहेको प्रहरीले जनाएको छ ।