लेखकको गृहजिल्ला कञ्चनपुर कांग्रेसले बोलायो बैठक

News Summary

Generated by OK AI. Editorially reviewed.

नेपाली कांग्रेस कञ्चनपुरले पूर्वगृहमन्त्री रमेश लेखक पक्राउको विषयमा आकस्मिक बैठक बोलाएको छ।
कांग्रेसले बैठकमा महाधिवेशन प्रतिनिधि, महासमिति सदस्य, क्षेत्रीय र गाउँ–नगर कार्यसमिति सदस्यलाई बोलाएको छ।
प्रहरीले शनिबार बिहान भक्तपुर कटुन्जेस्थित लेखकलाई ज्यानसम्बन्धी कसूर मुद्दामा पक्राउ गरेको जनाएको छ।

१४ चैत, काठमाडौं । नेपाली कांग्रेस कञ्चनपुरले आकस्मिक बैठक बोलाएको छ । पूर्वगृहमन्त्री रमेश लेखकलाई गरिएको पक्राउको विषयमा छलफल गर्न कांग्रेस कञ्चनपुरले आकस्मिक बैठक बोलाएको हो ।

जिल्ला सचिव भीम भट्टले शनिबार दिउँसो साढे ३ बजेका लागि आकस्मिक बैठक बोलाइएको जानकारी दिए । कञ्चनपुर नेता लेखकको गृहजिल्ला हो । उनी २०७९ को निर्वाचनमा कञ्चनपुर–३ बाट विजयी भएका थिए ।

कांग्रेसले बैठकमा महाधिवेशन प्रतिनिधि, महासमिति सदस्य, क्षेत्रीय कार्यसमिति, गाउँ–नगर कार्यसमिति र भ्रातृ संगठनलाई बोलाइएको सचिव भट्टले बताए ।

उनले बैठकबाट पूर्वगृहमन्त्री लेखक पक्राउको विरोधमा केही कार्यक्रमहरू तय गरिने पनि बताए । ‘सरकारले प्रतिशोध साध्ने काम गरेको छ,’ सचिव भट्टले भने, ‘त्यसबारे छलफल गरेर विरोधका कार्यक्रमहरू घोषणा गर्छौं ।’

प्रहरी शनिबार बिहान पूर्वगृहमन्त्री लेखकलाई भक्तपुरको कटुन्जेस्थित निवासबाट पक्राउ गरेको थियो । प्रहरीले उनलाई ज्यानसम्बन्धी कसूर मुद्दामा अनुसन्धानका लागि पक्राउ गरिएको जनाएको छ ।