ओली–लेखक गिरफ्तारी प्रतिशोध र पूर्वाग्रही : तरुण दल

News Summary

Generated by OK AI. Editorially reviewed.

नेपाल तरूण दलले केपी शर्मा ओली र रमेश लेखकको गिरफ्तारी राजनीतिक प्रतिशोध र पूर्वाग्रहका आधारमा भएको भन्दै आपत्ति जनाएको छ।
तरूण दलले सरकारलाई एकपक्षीय निर्णय पुनर्विचार गरी विधि र प्रक्रियाअनुरूप पारदर्शी तथा निष्पक्ष ढंगले अघि बढ्न भनेको छ।
तरूण दलले देशको स्थायित्व, राष्ट्रिय एकता तथा सामाजिक सद्भाव कायम राख्न सबै पक्षको साझा दायित्व भएको स्मरण गराएको छ।

१४ चैत, काठमाडौं । नेपाली कांग्रेसको भ्रातृ संगठन नेपाल तरूण दलले केपी शर्मा ओली र रमेश लेखकको गिरफ्तारीप्रति आपत्ति जनाएको छ ।

पूर्वप्रधानमन्त्री ओली र पूर्वगृहमन्त्री लेखकलाई राजनीतिक प्रतिशोध र पूर्वाग्रहका आधारमा पक्राउ गरिएको भन्दै तरुण दलले आपत्ति जनाएको हो ।

शनिबार जारी विज्ञप्तिमा ओली र लेखकलाई राजनीतिक प्रतिशोध र पूर्वाग्रहका आधारमा पक्राउ गरिएको उल्लेख छ ।

‘एकपक्षीय र दुराशयपूर्ण कदमहरूले लोकतान्त्रिक मूल्य र विधिको शासनमाथि ठाडो प्रहार गर्नुका साथै देशलाई अनावश्यक द्वन्द्व तथा अस्थिरतातर्फ धकेल्ने गम्भीर खतरा उत्पन्न गराउनेप्रति हाम्रो गहिरो चिन्ता रहेको छ,’ अध्यक्ष विद्धान गुरूङद्वारा जारी विज्ञप्तिमा भनिएको छ ।

तरुण दलले सरकारलाई एकपक्षीय निर्णयहरू पुनर्विचार गर्न, विधि र प्रक्रियाअनुरूप पारदर्शी तथा निष्पक्ष ढंगले अघि बढ्न र राजनीतिक सहिष्णुता कायम राख्न पनि भनेको छ ।

‘देशको स्थायित्व, राष्ट्रिय एकता तथा सामाजिक सद्भाव कायम राखु सबै पक्षको साझा दायित्व हो भन्ने हामी पुन: स्मरण गराउन चाहन्छौं,’ विज्ञप्तिमा उल्लेख छ ।