काठमाडौं जिल्ला अदालतमा रमेश लेखक (तस्वीरहरू)

News Summary

Generated by OK AI. Editorially reviewed.

नेपाली कांग्रेसका नेता रमेश लेखकलाई भक्तपुरको कटुञ्जेस्थित निवासबाट पक्राउ गरी काठमाडौं जिल्ला अदालतमा उपस्थित गराइएको छ।
जेनजी आन्दोलनमा ७६ जनाको ज्यान गएको घटनामा तत्कालीन प्रधानमन्त्री केपी शर्मा ओली र रमेश लेखकलाई ज्यान मुद्दामा अनुसन्धान गर्न सिफारिस गरिएको थियो।
ओलीलाई स्वास्थ्य जाँचका लागि त्रिवि शिक्षण अस्पतालमा भर्ना गरिएको छ भने लेखकलाई प्रहरीको दुई नम्बर गण महाराजगञ्जमा राखिएको छ।

१५ चैत, काठमाडौं । नेपाली कांग्रेसका नेता तथा पूर्वगृहमन्त्री रमेश लेखकलाई काठमाडौं जिल्ला अदालतमा उपस्थित गराइएको छ । शनिबार बिहान भक्तपुरको कटुञ्जेस्थित निवासबाट पक्राउ परेका उनलाई प्रहरीले आज अदालत उपस्थित गराएको हो ।

भदौ २३ र २४ गतेको जेनजी आन्दोलनमा तीन प्रहरीसहित ७६ जनाको ज्यान गएको घटनामा जिम्मेवार ठहर गरी जाँचबुझ आयोगले तत्कालीन प्रधानमन्त्री केपी शर्मा ओली र तत्कालीन गृहमन्त्री लेखकलाई ज्यान मुद्दामा अनुसन्धान गर्न सिफारिस गरेको थियो । प्रहरीले ओलीलाई पनि शनिबार बिहानै पक्राउ गरिसकेको छ । ओलीलाई पनि आज अदालत उपस्थित गराइँदैछ ।

ओलीलाई स्वास्थ्य जाँचको लागि त्रिवि शिक्षण अस्पताल (टिचिङ अस्पताल) लगिएकोमा डाक्टरको सुझाव अनुसार त्यहीँ भर्ना गरिएको छ । लेखकलाई भने प्रहरीको दुई नम्बर गण महाराजगञ्जमा राखिएको छ ।