पूर्वमन्त्री खड्कामाथि भ्रष्टाचारको आरोपमा अख्तियारबाट समेत अनुसन्धान

News Summary

Generated by OK AI. Editorially reviewed.

अख्तियार दुरुपयोग अनुसन्धान आयोगले नेपाली कांग्रेसका पूर्वमन्त्री दिपक खड्कामाथि भ्रष्टाचारको आरोपमा अनुसन्धान सुरु गरेको छ।
सर्वोच्च अदालतले दिपक खड्काको पक्राउ विरुद्धको बन्दीप्रत्यक्षीकरण मुद्दामा अख्तियारबाट फाइल पेश गर्न आदेश दिएको छ।
अख्तियारले निर्णयगत भ्रष्टाचार र गैरकानूनी सम्पत्ति आर्जनको अभियोगमा खड्कामाथि अनुसन्धान गरिरहेको छ।

२५ पुस, काठमाडौं । नेपाली कांग्रेसका पूर्वमन्त्री दिपक खड्कामाथि अख्तियार दुरुपयोग अनुसन्धान आयोगले समेत भ्रष्टाचारको आरोपमा अनुसन्धान थालेको खुलेको छ ।

खड्काको पक्राउ विरुद्ध चलेको बन्दीप्रत्यक्षीकरणको मुद्दामा लिखित जवाफ पेश गर्दै सम्पत्ति शुद्धिकरण अनुसन्धान विभागले अख्तियारले पनि खड्कामाथि अनुसन्धान गरिरहेको र त्यसक्रममा केही फाइलहरु खडा भएको विवरण पठाएको हो ।

विनिता थापाले आफ्नो पतिलाई गैरकानूनी थुनामा राखेको दावी सहित सर्वोच्च अदालतमा बन्दीप्रत्यक्षीकरणको निवेदन दिएकी थिइन् । त्यही निवेदनको सुनुवाईपछि सर्वोच्च अदालतले अख्तियारबाट पनि फाइल मगाउनु भन्ने आदेश दिएको हो ।

अख्तियारले निर्णयगत भ्रष्टाचार र गैरकानूनी सम्पत्ति आर्जनको अभियोगमा अनुसन्धान गर्छ । अख्तियारबाट खड्कामाथि गैरकानूनी सम्पत्तिआर्जनको उजुरीमाथि अनुसन्धान भइरहेको छ । अख्तियारबाट फाइल पेश नभएको भनी सर्वोच्च अदालतले शुक्रबार फाइल सहित उपस्थित हुनु भनी आदेश दिएको हो ।