औषधिको मूल्य निर्धारणमा अनियमितता, छानबिन गर्न समिति गठन

News Summary

Generated by OK AI. Editorially reviewed.

स्वास्थ्य तथा जनसंख्या मन्त्रालयले कानुनी प्रक्रिया पूरा नगरी औषधिको मूल्य वृद्धि गरिएको भन्दै छानबिन गर्न समिति गठन गरेको छ।
प्रधानमन्त्री तथा मन्त्रिपरिषद्को कार्यालयले उजुरी प्राप्त भएपछि डा श्रीकृष्ण श्रेष्ठको नेतृत्वमा समिति गठन गरेको हो।
समितिले ७ दिनभित्र अनियमित मूल्य वृद्धिको संलग्नता सम्बन्धी प्रतिवेदन बुझाउनुपर्नेछ।

२७ चैत, काठमाडौं । स्वास्थ्य तथा जनसंख्या मन्त्रालयले कानुनी प्रक्रिया पूरा नगरी औषधिको मूल्य वृद्धि गरिएको भन्दै छानबिन गर्न समिति गठन गरेको छ ।

औषधि व्यवस्था विभागका महानिर्देशन नारायण प्रसाद ढकालले कानुनी प्रक्रिया पूरा नगरी औषधिको मूल्य बढाउने निर्णय गरेका थिए ।

यसबारे प्रधानमन्त्री तथा मन्त्रिपरिषद्को कार्यालयले बिहीबार यसबारे उजुरी प्राप्त भएको र अनियमित तरिकाले मूल्य वृद्धि गर्ने काममा को कसको संलग्नता भएको हो खुलाइ प्रतिवेदन बुझाउन डा श्रीकृष्ण श्रेष्ठको नेतृत्वमा समिति गठन गरिएको हो ।

यो समितिले ७ दिनभित्र प्रतिवेदन बुझाउनुपर्ने समय सीमा पाएको छ ।

यी हुन् समितिका सदस्यहरू

डा श्रीकृष्ण श्रेष्ठ- अतिरिक्त स्वास्थ्य सचिव, स्वास्थ्य तथा जनसंख्या मन्त्रालय (संयोजक)

गोपीकृष्ण रेग्मी- स्वास्थ्य तथा जनसंख्या मन्त्रालय, कानुन शाखा (सदस्य)

कविन मलेकु – विषय विज्ञ (सदस्य)