News Summary
Generated by OK AI. Editorially reviewed.- रास्वपा प्रवक्ता मनिष झाले काठमाडौंका सुकुमवासीको नाममा अनैतिक काम गर्नेलाई कारबाहीमा ल्याउनुपर्ने बताएका छन्।
- उनले भने, 'सरकारले सुकुमवासीलाइ वैकल्पिक र व्यवस्थित ठाउँ दिएको छ र संरक्षण गर्नु सरकारको दायित्व हो।'
- सरकारले काठमाडौं महानगरको समन्वयमा सुकुमवासी बस्ती भोलि बिहानबाट हटाउने तयारी गरेको छ।
११ वैशाख, काठमाडौं । रास्वपा प्रवक्ता मनिष झाले सुकुमवासीको नाममा ठाउँ ओगटेर गरिब हुँ भन्दै अनैतिक र अव्यवहारिक काम गर्नेलाई कारबाहीको दायरामा ल्याउनै पर्ने बताएका छन् । सरकारले काठमाडौंका सुकुमवासी बस्ती हटाउन गरेको तयारीबारे अनलाइनखबरसँग संक्षिप्त कुरा गर्दै झाले आश्रय लिनु र कब्जा गर्नु फरक भएको बताएका हुन् ।
‘यसमा आश्रय लिने र कब्जा गर्ने फरक हुन्छ । सरकारले उहाँ(सुकुमवासी)लाई बस्न कतै ठाउँ नबनाएको हैन । वैकल्पिक र व्यवस्थित ठाउँ छ,’ उनले भने, ‘यदि साँच्चिकै सुकुमवासी हुन् र अप्ठ्यारो परेको हो भनेर उनीहरूमाथि सद्भाव राख्ने मात्रै होइन सरकारको दायित्व र कर्तव्य पनि हुन्छ उनीहरूको संरक्षण गर्नु ।’
उनले सरकारले सूचीकरण गर्ने, व्यवस्थित गर्दै संरइक्षण गर्दै अघि बढ्नुपर्ने पनि बताए । ‘यहाँ ठाउँ ओगटेर बस्ने र म गरिब हुँ भनेर अरु अनैतिक, अव्यवहारिक काम गर्नेलाई कारबाहीमा ल्याउनै पर्छ, ‘ उनले थपे, ‘सूचीकरण गरेर, व्यवस्थित गरेर संरक्षण गर्नुपर्छ । यसरी अघि बढ्ने हो ।’
सरकारले काठमाडौं महानगरको समन्वयमा काठमाडौंका विभिन्न सुकुमवासी बस्ती भोलि बिहानबाट हटाउने तयारी छ । त्यसका लागि त्यहाँ बसोबास गर्दै आएकाहरूलाई ठाउँ खाली गर्न माइकिङ गरिएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4