२८ भदौ, काठमाडौं । भारतीय प्रधानमन्त्री प ग्लोबल साउथका देशहरूको ब्रिक्सप्रतिको विश्वास बढ्दै गएको बताएका छन् । नयाँ दिल्लीमा जारी ब्रिक्स देशहरूको शिखर सम्मेलनका क्रममा मोदीले यस्तो बताएका हुन् ।
‘म आफ्नै अनुभवका आधारमा भन्न सक्छु कि ग्लोबल साउथका राष्ट्रहरूको ब्रिक्सप्रतिको विश्वास बढेको छ,’ मोदीले भने, ‘किनकि यहाँ उनीहरूको आवाज सुनिन्छ, उनीहरूका अनुभवलाई सम्मान गरिन्छ र उनीहरूका लागि मात्र नभई उनीहरूसँग मिलेर समाधान तयार गरिन्छ ।’
ब्रिक्सको शक्ति विविधता र सहकार्यमा निहित रहेको मोदीले बताए । ‘हामी फरक-फरक वास्तविकतामा आधारित हुन सक्छौं । तर सहकार्यका माध्यमबाट हामी सँगै अघि बढ्छौँ र सम्पूर्ण मानवताको हितका लागि समृद्ध हुन्छौँ,’ मोदीले भने ।
ब्रिक्स देशहरूको विविधता पहिचानका रूपमा कायम रहनुपर्ने उनले बताए । ‘हाम्रो सहकार्य प्रेरणाको स्रोत बनोस् र हाम्रो प्रगतिले सम्पूर्ण मानवतालाई लाभ पुर्याओस्,’ मोदीले भने ।
कृषिमा एआई र जियोस्पेसियल प्रविधिमा जोड
यस्तै, मोदीले प्रस्तावित ब्रिक्स स्टार्टअप इनोभेसन फन्डले नवीन र विस्तार गर्न सकिने समाधानलाई प्रोत्साहन गर्ने बताएका छन् ।
उनले ब्रिक्स डिजिटल एग्रिकल्चर नेटवर्कमार्फत किसानका आवश्यकता सम्बोधन गर्न कृत्रिम बौद्धिकता (एआई), जियोस्पेसियल प्रविधि र डिजिटल सार्वजनिक पूर्वाधारको प्रयोग गरिने बताए ।
मोदीले ‘प्रविधि र महत्त्वपूर्ण खनिजको शस्त्रीकरण’ ले साझा प्रगतिमा अवरोध पुर्याउनसक्ने चेतावनी दिँदै प्रविधिको प्रयोग र पहुँचमा सबैलाई समेट्ने नीति आवश्यक रहेकोमा जोड दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4