२०८३ असोज १० गते १४:२८ 
News Summary
Generated by OK AI. Editorially reviewed.- २०औं एसियन गेम्सको पुरुष स्केटबोर्डिङमा नेपालका सरद राई र गजेन्द्र बर्देवा पहिलो चरणबाटै बाहिरिए ।
- हीट चरणपछि सरद ५९.८४ अंकसहित १३औं र गजेन्द्र ५२.८४ अंकसहित १४औं स्थानमा रहे ।
- शीर्ष ८ खेलाडी मात्र अर्को चरणमा प्रवेश गर्ने प्रावधान थियो, र दुवै नेपालीको रन स्कोर कमजोर रह्यो ।
१० असोज, काठमाडौं । २०औं एसियन गेम्सअन्तर्गत पुरुष स्केटबोर्डिङमा नेपालका सरद राई र गजेन्द्र बर्देवा पहिलो चरणबाटै बाहिरिएका छन् ।
हीट चरणपछि सरद ५९.८४ अंकसहित १३औं तथा गजेन्द्र ५२.८४ अंकसहित १४औं स्थानमा रहे । शीर्ष ८ खेलाडी मात्र अर्को चरणमा प्रवेश गर्ने प्रावधान थियो ।
दुवै नेपाली खेलाडीले ट्रिकतर्फ राम्रो प्रदर्शन गरे पनि रनमा अपेक्षित अंक जोड्न नसक्दा समग्र स्कोर प्रभावित भयो । सरदले ट्रिकमा ४५.१३ र १४.७१ अंक जोड्दा गजेन्द्रले ४३.१८ र ९.६६ अंक प्राप्त गरेका थिए ।
जापानका तोआ सासाकी १५९.१३ अंकसहित पहिलो, जापानकै गिनवु ओनोडेरा दोस्रो तथा दक्षिण कोरियाका जुनी काङ तेस्रो स्थानमा रहँदै अर्को चरणमा प्रवेश गरे ।
प्रतिक्रिया 4