News Summary
Generated by OK AI. Editorially reviewed.- लगातारको भारी वर्षाका कारण कर्णाली प्रदेशका कर्णाली राजमार्ग, राप्ती राजमार्ग र अन्य सडकखण्डमा पहिरो र माटो खसेर यातायात प्रभावित भएको छ।
- कालिकोटको शुभकालिका गाउँपालिका–१ गगनेखोला, तिलागुफा नगरपालिका–१ भिग्मा र जुम्लाको तातोपानी गाउँपालिकाअन्तर्गत नाग्मा–जुम्ला सडकखण्ड अवरुद्ध भएका छन्।
- मुगुको पिना, जाजरकोटको लेवाभीर र हुम्लाको खच्चामा सडक अवरुद्ध भएको प्रहरीले जनाएको छ, भने सल्यानको अरिङ्गालेमा राप्ती राजमार्ग एकतर्फी सञ्चालनमा आएको छ।
१० असोज, सुर्खेत । लगातारको भारी वर्षाका कारण कर्णाली प्रदेशका विभिन्न जिल्लाका सडकखण्ड अवरुद्ध भएका छन् । वर्षासँगै पहिरो तथा माटो खस्दा कर्णाली राजमार्ग, राप्ती राजमार्ग र अन्य सडकमा यातायात प्रभावित भएको हो ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका अनुसार कालिकोटको शुभकालिका गाउँपालिका–१ गगनेखोलामा सडक अवरुद्ध भएको छ । कर्णाली राजमार्गअन्तर्गत तिलागुफा नगरपालिका–१ भिग्मामा पनि सडक अवरुद्ध भएको प्रहरीले जनाएको छ ।
जुम्लाको तातोपानी गाउँपालिकाअन्तर्गत पर्ने नाग्मा–जुम्ला सडकखण्डमा पनि यातायात अवरुद्ध भएको छ । उक्त सडकखण्ड कर्णाली राजमार्गअन्तर्गत पर्छ । यस्तै मुगुको छायानाथ रारा नगरपालिका–७ र ८ पिना क्षेत्रमा गमगढी–नाग्मा सडकखण्ड अवरुद्ध भएको छ ।
जाजरकोटको छेडागाड नगरपालिका–४ लेवाभीरमा भित्री सडक अवरुद्ध भएको छ । हुम्लाको सर्केगाड गाउँपालिका–१ खच्चामा पनि सडक अवरुद्ध भएको प्रहरीले जनाएको छ ।
यसैगरी सल्यानको कपुरकोट गाउँपालिका–३ र ४ स्थित अरिङ्गालेमा पहिरोका कारण राप्ती राजमार्ग अवरुद्ध भए पनि अहिले एकतर्फी रूपमा सञ्चालनमा आएको छ ।
भारी वर्षाका कारण सडकखण्डहरूमा पहिरो खस्ने क्रम जारी रहेकाले यातायात सञ्चालनमा समस्या भएको प्रहरीले जनाएको छ । अवरुद्ध सडकखण्ड खुलाउने तथा यातायात सञ्चालन सहज बनाउने प्रयास भइरहेको छ ।
नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय सुर्खेतका प्रमुख मुकुन्दप्रसाद रिजालले वर्षाका कारण कर्णालीका विभिन्न सडकखण्डमा यातायात प्रभावित भएको जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4