१५ असोज, काठमाडौं । बाढी, पहिरोलगायत जलवायुजन्य विपद्का कारण विद्युत् आपूर्तिमा अवरोध बढिरहेका बेला नेपालमा औद्योगिक ब्याट्री ऊर्जा भण्डारण प्रणालीबारे इन्जिनियरहरूलाई तालिम दिइएको छ ।
वैकल्पिक ऊर्जा प्रवर्द्धन केन्द्र र ग्रिड रेजिलेन्स थ्रु इन्टेलिजेन्ट फोटोभोल्टिक स्टोरेज–२ को सहकार्यमा भएको पाँचदिने तालिममा २५ भन्दा बढी सार्वजनिक तथा निजी संस्थाका ४५ जना इन्जिनियर सहभागी थिए।
तालिममा औद्योगिक सोलार पीभी तथा बीइएससको डिजाइन, जडान, सञ्चालन, सुरक्षा र मर्मतसम्भारबारे व्यावहारिक प्रशिक्षण दिइएको थियो।
विद्युत् ग्रिडमा अवरोध आउँदा वैकल्पिक ऊर्जा उपलब्ध गराई उद्योग तथा अत्यावश्यक सेवाको निरन्तरता कायम गर्न उपयोगी हुने आयोजकको भनाइ छ। तालिमले नेपालमा ऊर्जा भण्डारण प्रविधिको विस्तारका लागि आवश्यक दक्ष जनशक्ति विकासमा सहयोग पुग्ने जनाइएको छ
तालिममा वैकल्पिक ऊर्जा प्रवर्द्धन केन्द्रका कार्यकारी निर्देशक नवराज ढकालले नेपालको स्वच्छ ऊर्जा रूपान्तरणसँगै औद्योगिक क्षेत्रको उत्थानशीलता बढाउन ऊर्जा भण्डारणको विस्तार आवश्यक रहेको बताए।
सौर्य एवं वायु ऊर्जा प्रमुख शुभा लक्ष्मी श्रेष्ठले ऊर्जा भण्डारण प्रणाली विस्तारका लागि प्रविधिसँगै दक्ष जनशक्ति र संस्थागत क्षमता पनि आवश्यक रहेको बताइन्।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4