१९ असोज, काठमाडौं । नेपाली कांग्रेसले भौतिक उपस्थिति अनिवार्य पर्नेबाहेक सबै सार्वजनिक सेवालाई सातै दिन र चौबीसै घण्टा डिजिटल माध्यमबाट उपलब्ध गराउने नीति अघि सारेको छ।
काठमाडौंमा जारी १५औं महाधिवेशनमा सभापति गगन थापाले प्रस्तुत गरेको राजनीतिक प्रस्तावमा नागरिकलाई पर्खाउने र थकाउने प्रशासनिक झन्झट अन्त्य गर्ने संकल्प गरिएको हो।
दस्तावेजमा भनिएको छ, ‘सार्वजनिक सेवा नागरिकलाई पर्खाउने, थकाउने वा अनुगृहीत बनाउने विषय होइन। सेवा पाउनु नागरिकको हक हो र मर्यादापूर्वक सेवा दिनु राज्यको जिम्मेवारी हो।‘
डिजिटल पहुँच वा प्रयोगको क्षमता नभएका नागरिकले द्रुत सहायता केन्द्रमार्फत सेवा पाउनुपर्ने र प्रविधिको प्रयोगले नयाँ बहिष्करण सृजित गर्न नहुने कुरामा कांग्रेसले जोड दिएको छ। स्पष्ट समयसीमा, सरल प्रक्रिया, बुझिने भाषा र गुनासोको प्रभावकारी सुनुवाइलाई सेवा प्रवाहका आधार बनाइने पार्टीको घोषणा छ।
प्रकृति र अन्तरपुस्ता न्याय
विकास र वातावरणलाई सन्तुलनमा राख्न कांग्रेसले अन्तरपुस्ता न्यायलाई समुन्नतिको आवश्यक मापदण्ड मानेको छ।
नदी, वन, हावा, माटो, पानीका मुहान र जैविक विविधता विकासका बाहिरी विषय नभई जीवन र उत्पादनका आधार भएको पार्टीको ठहर छ। प्राकृतिक पुँजी नष्ट गरेर हासिल गरिएको अल्पकालीन उपलब्धिलाई दीर्घकालीन समुन्नति मान्न नसकिने दस्तावेजमा उल्लेख छ।
आजका ऋण, प्राकृतिक स्रोत, जलवायु, बस्ती, शिक्षा र जनसांख्यिक निर्णयको परिणाम भावी नागरिकले भोग्ने तर उनीहरूले आजको निर्णयमा मत व्यक्त गर्न नपाउने भएकाले भविष्यलाई हेरेर विकासका निर्णय गरिनुपर्ने दस्तावेजमा स्पष्ट पारिएको छ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4