News Summary
Generated by OK AI. Editorially reviewed.- नेपाली कांग्रेसको १५औं महाधिवेशनअन्तर्गत नयाँ केन्द्रीय कार्यसमिति चयनका लागि भएको निर्वाचनको मतगणना २५ वटा समूह बनाएर तीव्र गतिमा भइरहेको छ।
- निर्वाचन समितिका अनुसार बुधबारसम्म सबै पदको अन्तिम परिणाम सार्वजनिक गर्ने लक्ष्यसहित कांग्रेस केन्द्रीय कार्यालयमा मतगणना व्यवस्थित र मर्यादित रूपमा अघि बढिरहेको छ।
- जनसम्पर्क समितितर्फ दुई महिला र पाँच खुला गरी सात केन्द्रीय सदस्य, तथा पिछडिएको क्षेत्रतर्फ सहमहामन्त्री र केन्द्रीय सदस्यको गणना सम्पन्न भएको छ।
२७ असोज, काठमाडौं । नेपाली कांग्रेसको १५औं महाधिवेशनअन्तर्गत नयाँ केन्द्रीय कार्यसमिति चयनका लागि भएको निर्वाचनको मतगणना तीव्र गतिमा अघि बढिरहेको छ ।
बडादशैंलाई ध्यानमा राख्दै छिटो र प्रभावकारी रूपमा मतगणना सम्पन्न गर्न मंगलबार (आज) पनि २५ वटा समूह बनाएर विभिन्न पदको मत एकैसाथ गणना भइरहेको निर्वाचन समितिले जनाएको छ ।
कांग्रेस केन्द्रीय निर्वाचन समितिका सदस्य सचिव राजु कटुवालका अनुसार कांग्रेस केन्द्रीय कार्यालयमा मतगणना व्यवस्थित र मर्यादित रूपमा अघि बढिरहेको छ ।
निर्वाचन समितिले बुधबारसम्म सबै पदको अन्तिम परिणाम सार्वजनिक गर्ने लक्ष्यसहित गणनालाई तीव्रता दिएको उनको भनाइ छ ।
कटुवालले दुई क्लस्टरको मतगणना मंगलबार बिहान सम्पन्न भएको जानकारी दिए । उनले चार क्लस्टरको गणना जारी रहेको बताए । बाँकी छ क्लस्टरको मतगणना पनि सुरु गर्ने तयारी भइरहेको कटुवालले बताए ।
निर्वाचन समितिका अनुसार जनसम्पर्क समितितर्फ दुई महिला र पाँच खुला गरी सात जना केन्द्रीय सदस्यको मतगणना सकिएको हो । पिछडिएको क्षेत्रतर्फको सहमहामन्त्री र केन्द्रीय सदस्य पदको गणना पनि सम्पन्न भएको छ ।
अहिले खुला सहमहामन्त्री, महिला सहमहामन्त्री तथा महिला केन्द्रीय सदस्य पदको मतगणना भइरहेको छ ।
त्यसैगरी, आदिवासी जनजातितर्फको सहमहामन्त्री र केन्द्रीय सदस्य, भूगोलतर्फ सुदूरपश्चिम प्रदेशका खुला, महिला र ३५ वर्षमुनिका केन्द्रीय सदस्य तथा ३५ वर्षमुनिका खुला केन्द्रीय सदस्य पदको मत पनि गणना भइरहेको छ ।
मतगणनालाई थप गति दिन बाँकी क्लस्टरहरूको गणना पनि सुरु गर्ने तयारी गरिएको निर्वाचन समितिले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4