News Summary
Generated by OK AI. Editorially reviewed.- मुख्यमन्त्री मंगलबहादुर शाहीले संघीयतालाई सुदृढ गर्न अझ ठूलो मेहनत गर्नुपर्ने अवस्था आएको विराटनगरमा बताए ।
- उनले संघीयता कार्यान्वयनले विकास, सेवा प्रवाह र शासनमा उपलब्धि दिए पनि अपूरा अपेक्षाबाट भ्रम सिर्जना भएको बताए ।
- शाहीले उच्च स्तरको सहकार्य र निरन्तर मेहनतबाट संघीयतालाई संस्थागत गर्न कर्णाली प्रदेश प्रतिबद्ध रहेको बताए ।
२७ असाेज, विराटनगर । कर्णाली प्रदेशका मुख्यमन्त्री मंगलबहादुर शाहीले संघीयतालाई सुदृढ गर्ने प्रक्रियामा अझ ठूलो मेहनत गर्नुपर्ने अवस्था आएको बताएका छन् ।
मंगलबार विराटनगरमा आयोजित अन्तरप्रदेश मुख्यमन्त्री सम्मेलनलाई सम्बोधन गर्दै उनले देशमा विभिन्न खालका भ्रमहरू सिर्जना भइरहेको हुनाले संघीयतालाई सुदृढ गर्ने प्रक्रियामा अझ ठूलो मेहनत गर्नुपर्ने अवस्था आएको बताएका हुन् ।
संघीयता कार्यान्वयन र अभ्यासको झण्डै १० वर्ष पुग्नै लाग्दा मुलुकले विकास, सेवा प्रवाह र शासन व्यवस्थामा ठूलो उपलब्धि हासिल गरे पनि नागरिकका कतिपय अपूरा अपेक्षाबाट सिर्जित भ्रमहरूलाई तथ्यगत रूपमा खण्डन गर्नुपर्ने आवश्यकता मुख्यमन्त्री शाहीले बताए ।
भ्रमहरूलाई चिर्दै संघीयतालाई सुदृढ बनाउन र समृद्धिको मार्गमा अघि बढ्न उच्च स्तरको सहकार्य र निरन्तर मेहनत चाहिने उनको भनाइ छ ।
संघीयताको मर्म अनुसार प्रदेश सरकार, प्रदेशसभा तथा प्रदेशहरूबीच आपसी सम्बन्ध, अनुभव आदानप्रदान र सहकार्यलाई मजबुत बनाउनु अहिलेको प्रमुख दायित्व भएको उल्लेख गर्दै उनले भूगोलको विकटता र अनेकौँ चुनौतीका बाबजुद नागरिकका अपेक्षाहरूलाई जोड्दै संघीयतालाई संस्थागत गर्न कर्णाली प्रदेश निरन्तर प्रतिबद्ध रहेको जानकारी दिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
%20-%20Copy.jpg "House for Sale at Siddhipur")
%20-%20Copy.jpg "House for Sale at Cozy Homes, Imadol")
.jpg "Bungalow House for Sale at Bhandari Marg")
.jpg "House for Sale at Imadol")
.jpg "Bungalow House for Sale at Dholahiti")
प्रतिक्रिया 4