अमेरिकी राष्ट्रपति डोनाल्ड ट्रम्पले ह्वाइट हाउसमा आयोजित दीपावली समारोहमा सहभागी हुँदै दीप प्रज्वलन गरेका छन् ।
समाचार एजेन्सी पीटीआईका अनुसार समारोहमा अमेरिकाका लागि भारतीय राजदूत विनय मोहन क्वात्रा, सेलिब्रिटी सेफ विकास खन्ना, उद्यमी विशाल गोन्डल, आईबीएमका प्रमुख कार्यकारी अधिकृत अरविन्द कृष्ण, एफबीआई निर्देशक काश पटेल र अमेरिकी नेसनल इन्स्टिच्युट अफ हेल्थका निर्देशक जय भट्टाचार्य सहभागी थिए ।
समारोहको सुरुवात ओभल अफिसमा राष्ट्रपति ट्रम्पले दीप प्रज्वलन गरेर गरेका थिए । उक्त निजी समारोहमा अमेरिकी विदेशमन्त्री मार्को रुबियो र सोसल सेक्युरिटी एडमिनिस्ट्रेसनका उपआयुक्त अर्जुन मोदी पनि सहभागी भएका थिए ।
भारतीय प्रविधि उद्यमी विशाल गोन्डलले राष्ट्रपति ट्रम्पलाई हनुमान चालिसाको एक प्रति उपहार दिएका छन् । उनले सामाजिक सञ्जाल एक्समार्फत यसबारे जानकारी दिएका हुन् ।
डीडी न्युजका अनुसार ह्वाइट हाउसमा दीपावली मनाउने परम्परा सन् २००३ मा तत्कालीन राष्ट्रपति जर्ज डब्ल्यू बुसको कार्यकालमा सुरु भएको थियो ।
सुरुका वर्षमा आइजनहावर एक्जुकेटिभ अफिस बिल्डिङमा दीपावली कार्यक्रम आयोजना गरिन्थ्यो, जसमा भारतीय अमेरिकी समुदायका सदस्य र भारतीय कूटनीतिज्ञ सहभागी हुन्थे ।
त्यसपछि सन् २००९ मा तत्कालीन राष्ट्रपति बाराक ओबामा ह्वाइट हाउसको इस्ट रुममा आयोजित दीपावली समारोहमा दीप प्रज्वलन गर्ने पहिलो अमेरिकी राष्ट्रपति बनेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House for Sale at Lasuntar")
.jpg "Bungalow House for Sale at Budhanilkantha")
.jpeg "House for Sale at Lubhu")
.jpg "Residential Land for Sale at Balkot")
%20-%20Copy.jpg "House for Sale at Bhaisepati")
प्रतिक्रिया 4