२ फागुन, बुटवल । रुपन्देहीको सैनामैना नगरपालिकाले सामुदायिक विद्यालयका शिक्षकहरुलाई ल्यापटप वितरण गरेको छ । सैनामैनाका १७ विद्यालयका १६० जना शिक्षकहरुलाई ल्यापटप वितरण गरिएको हो ।
शिक्षकहरुको २५ प्रतिशत तथा सैनामैना नगरपालिकाको ७५ प्रतिशत लागत साझेदारीमा ल्यापटप खरिद गरी वितरण गरिएको हो ।
शिक्षण सिकाईलाई प्रविधिमैत्री बनाउने उद्देश्यले कम्प्युटर चलाउन जानेका शिक्षकमध्ये प्रधानाध्यापकको सिफारिसमा शिक्षकलाई ल्यापटप वितरण गरिएको नगरप्रमुख चित्रबहादुर कार्कीले बताए ।
सामुदायिक विद्यालयलाई विद्यार्थी र अभिभावकको पहिलो रोजाई बनाउने नगरपालिकाको लक्ष्य रहेको र सोही अनुसार कम्प्युटर चलाउन जानेका सबै शिक्षकलाई ल्यापटप र हरेक कक्षा कोठामा प्रोजेक्टर राख्ने योजना रहेको कार्कीले बताए ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4