एक दिन कैद सजाय पाएका सुनार पक्राउ

८ साउन, काठमाडौं । बैंकिङ कसुरको मुद्दामा दोषी ठहर भएका चन्द्रबहादुर सुनार पक्राउ परेका छन् ।

नेपाल प्रहरीको केन्द्रीय अनुसन्धान ब्यूरोले नुवाकोट घर भई काठमाडौंको बालजु बस्ने ३६ वर्षका सुनारलाई पक्राउ गरेको हो ।

उच्च अदालत पाटनले ६ असारमा बैंक खातामा पर्याप्त मौज्दात नरहेको जान्दाजान्दै चेक दिएको ठहर गर्दै उनलाई एक दिन कैद र २४ लाख रुपैयाँ जरिवाना हुने फैसला गरेको थियो ।