२२ चैत, काठमाडौं । बुटवलको सुप्रिम सहकारी ठगी र संगठित अपराधसम्बन्धी कसुरमा जिल्ला अदालतले दिएको आदेश खारेजीको माग गर्दै रास्वपा सभापति रवि लामिछाने र छविलाल जोशीले उच्च अदालतमा दर्ता गरेको रिटमा सुनुवाइ सकिएको छ ।
जिल्ला अदालतले दिएको आदेशविरुद्ध उनीहरूले उच्च अदालत तुलसीपुरको बुटवल इजलासमा पुनरावेदन निवेदन दिएका थिए ।
उक्त रिटमा शुक्रबार बहस सकिएको अदालतकी वैतानिक वकिल कपिला शर्माले अनलाइनखबरलाई जानकारी दिइन् ।
‘केहीबेरअघि बयान सकिएको छ । आदेशबारे प्रशासनमा काम हुँदैछ,’ उनले भनिन् ।
अदालतका सूचना अधिकारी राम बहादुर कुँवरले बहस सकिएसँगै आदेश जारी हुने जानकारी गराए ।
‘बहस सकिएको छ, अब आदेश जारी हुन्छ,’ उनले भने ।
यसअघि बिहीबार बहस नसकिएपछि हेर्दाहेर्दैमा राखिएको थियो ।
रुपन्देही जिल्ला अदालतले रविलाई १ करोड धरौटीमा छाडेको थियो । सोही मुद्दामा जोशीलाई भने पुर्पक्षका लागि थुनामा पठाइएको थियो ।
छविले पनि धरौटीमा छाड्नुपर्ने भन्दै उच्चमा निवेदन दर्ता गराएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
प्रतिक्रिया 4