मागेको बजेट नदिए अर्थमन्त्रीले मूल्य चुकाउनुपर्छ : कान्छाराम तामाङ

News Summary

Generated by OK AI. Editorially reviewed.

नेपाली कांग्रेसका सांसद पूर्णबहादुर तामाङले आगामी आर्थिक वर्षको बजेटमा आफूहरूले माग गरेको रकम नपाए ठूलो मूल्य चुकाउनुपर्ने बताएका छन्।
उनीहरूले सात वटा जिल्लाका सांसदहरूका लागि २१ करोडको बजेट माग गरेका थिए र यदि त्यो रकम कटौती भयो भने सबै सांसदहरूको लिष्टसहित समिति बनाउनुपर्ने बताएका छन्।
सांसद तामाङले आफ्नो पार्टी सभापति इमान्दार हुनुहुन्छ र माओवादी अध्यक्षको बानीले अहिलेको राजनीतिक समीकरण बनेको उल्लेख गरेका छन्।

३ जेठ, काठमाडौं । नेपाली कांग्रेसका सांसद पूर्णबहादुर तामाङले आगामी आर्थिक वर्षको बजेटमा आफूहरूले माग गरेको बजेट नपाए अर्थमन्त्रीले ठूलो मूल्य चुकाउनुपर्ने बताएका छन् ।

शनिबार नयाँ बानेश्वरस्थित ल्होत्से हलमा बसेको संसदीय दलको बैठकपछि सञ्चारकर्मीसँग कुरा गर्दै उनले यस्तो बताएका हुन् । आफूहरूले सात वटा जिल्लाका सांसदहरूका लागि तीन/तीन करोडको दरले २१ करोड बजेट माग गरिएको जानकारी दिए ।

आफूहरुको मागबमोजिमको बजेट विनियोजन नभए संसदमा प्रतिनिधित्व गर्ने सबै सांसदको लिष्ट तयार गरेर छानविनका लागि समिति बनाउन बाध्य हुने उनको भनाइ थियो ।

‘आजको बैठकमा हामीले सात वटा जिल्लामा तीन तीन करोड गरेर २१ करोड माननीयहरूलाई दिने भनेर आफ्नो दलमा बुझाएका छौं । यदि अर्थमन्त्रीज्यूले कटाउने काम गर्नुभयो भने कांग्रेसका माननीय, एमालेका माननीय र माओवादीलगायतका सांसदहरूको लिष्टसहित समिति बनाउनुपर्ने हुन्छ,’ सांसद तामाङले भने, ‘हाम्रो पार्टी सभापति इमान्दार हुनुहुन्छ । उहाँ इमान्दार नहुनुभएको भए प्रधानमन्त्री केपी ओली घरमै बसिरहनुहुन्थ्यो । माओवादी अध्यक्षको चकचके बानीले अहिलेको समीकरण बनेको हो ।’