तिनाउ नदीमा पौडी खेल्दा भारतीय युवाको मृत्यु

News Summary

Generated by OK AI. Editorially reviewed.

तिनाउ नदीमा पौडी खेल्ने क्रममा भारत नौतनवाका १८ वर्षीय सोयब अन्सारीको मृत्यु भएको छ।
अन्सारीको शव अझै फेला नपरेको र खोजी कार्य जारी रहेको छ।
सो स्थानमा पौडी खेल्ने क्रममा डुबेर हरेक वर्ष मानवीय क्षति हुने गरेको छ।

८ जेठ, बुटवल । तिनाउ नदीमा पौडी खेल्ने क्रममा एक भारतीय किशोरको मृत्यु भएको छ ।

पाल्पाको तिनाउ गाउँपालिका–३ स्थित तिनाउ नदीको ड्यामसाइडमा पौडी खेल्ने क्रममा डुबेर भारत नौतनवा निवासी १८ वर्षीय सोयब अन्सारीको मृत्यु भएको हो ।

जिल्ला प्रहरी कार्यालय पाल्पाका सूचना अधिकारी डिएसपी सुनिल मल्लका अनुसार अन्सारी आफ्ना दाजुभाइ र साथीहरूसहित बुटवल घुम्न आएका थिए । घुम्ने क्रममा तिनाउ नदीको ड्यामसाइड पुगेपछि उनीहरू पौडी खेल्न नदीमा पसेका थिए । त्यही क्रममा अन्सारी डुबेका हुन् ।

डुबेका अन्सारीको शव अझै फेला नपरेको र खोजी कार्य जारी रहेको डिएसपी मल्लले जानकारी दिए । उक्त स्थानमा पौडी खेल्ने क्रममा डुबेर हरेक वर्ष मानवीय क्षति हुने गरे पनि स्थानीय सरकारले क्षति रोक्न कुनै पहल नगरेको स्थानीयले गुनासो गर्ने गरेका छन् ।