पदावधि नथपिएपछि उपरथी बानियाँ अवकाशमा

News Summary

Generated by OK AI. Editorially reviewed.

नेपाली सेनाका उपरथी दिपककुमार बानियाँको म्याद थप नभएपछि २३ जेठबाट अवकाशमा जाने निर्णय भएको हो।
प्रधानसेनापति अशोकराज सिग्देलले म्याद थपको सिफारिस नगरेपछि उनलाई पत्र पठाइएको थियो र उनले गत बिहीबारबाट बिदामा बसे।
उनले जिम्मेवारी दिएर बिदा बसेका थिए र अब रथीमा बढुवा हुने अवसर उपरथी गणेश श्रेष्ठ वा विष्णु रावतमध्येले पाउने छन्।

११ जेठ, काठमाडौं । नेपाली सेनाका उपरथी दिपककुमार बानियाँ म्याद थप नभएपछि २३ जेठबाट अवकाशमा जाने भएका छन् ।

प्रधानसेनापति अशोकराज सिग्देलले म्याद थपका लागि सिफारिस नगरेपछि पदावधि हदबाट अवकाशका लागि उनलाई पत्र पठाइएको छ । त्यसअनुसार अवकाशको १५ दिनअघि गत बिहीबारबाट बानियाँ बिदामा बसेका छन् ।

उनी पदावधि थप भएको भए उनी रथीमा बढुवा हुनसक्थे । उनी अवकाशमा गएसँगै अब उपरथी गणेश श्रेष्ठ वा विष्णु रावतमध्येले रथीमा बढुवा हुने अवसर पाएका छन् । त्यसपछि सहायक रथी पूर्ण खत्री, ध्रुव कार्की, विष्णु कार्कीमध्येबाट उपरथीमा बढुवा हुनेछन् ।

३ पुस २०७५ मा बसेको नेपाली सेनाको पीएसओज बैठकले रथीहरुलाई अवकाशको १५ दिनअघि बिदा बस्नुपर्ने व्यवस्था गरेको थियो थियो । त्यसअनुसार, बानियाँलाई ८ जेठमा जिम्मेवारी बुझबुझारथ गर्न भनिएको थियो ।

त्यसअनुसार, उनले आफू कार्यरत सैनिक संगठन निर्देशनालयमा सहायक रथी दिवसराज रेग्मीलाई निमित्त जिम्मेवारी दिएर बिदा बसेका थिए ।