नेपाली महिला घरेलु कामदारमा खाडी मुलुक जाने क्रम रोकिएन

News Summary

Generated by OK AI. Editorially reviewed.

परराष्ट्रमन्त्री डा. आरजु राणा देउवाले कुवेतमा ४८ हजार नेपाली महिला घरेलु कामदारका रूपमा रहेको बताएकी छन्।
खाडी मुलुकमा महिला कामदारको अवैध प्रवेश रोक्ने प्रयास भए पनि अझै जारी रहेको उनले बताइन् ।
उनीहरूले भने, लिगल रूपमा जाने महिलाहरू सुरक्षित हुन्छन्, भने इलिगल रूपमा जाने समस्या र गाह्रो छ।

३० जेठ, काठमाडौं । नेपालबाट घरेलु कामदारको रुपमा महिला खाडी मुलुक जाने क्रम नरोकिएको पाइएको छ । परराष्ट्रमन्त्री डा. आरजु राणा देउवाका अनुसार कुवेतमा मात्रै ४८ हजार नेपाली महिला कामदार रहेका छन् ।

शुक्रबार प्रतिनिधिसभा अन्तर्गतको अन्तर्राष्ट्रिय सम्बन्ध समितिमा बोल्दै उनले यस्तो जानकारी दिएकी हुन् ।

परराष्ट्रमन्त्री राणाका अनुसार जापान भ्रमणका क्रममा खाडी मुलुकको राजदूतहरूसँग उनले भर्चुअल छलफल गरेकी थिइन् । त्यसबेला खाडी मुलुकका राजदूतहरूले पनि इलिगल रूपमा महिला कामदार खाडी मुलुक जानेक्रम नरोकिँदा समस्या रहेको बताएका थिए ।

‘महिला घरेलु कामदार नपठाउने भनेर रोक लगाएको तर, इलिगल रूपमा त्यहाँ पुग्नुभएको छ,’ उनले भनिन् । इलिगल जानेहरू समस्यामा रहेको उनले बताइन् ।

‘कुवेलमा मात्रै ४८ हजार नेपाली महिला घरेलु कामदार छ्न् । उहाँहरूलाई लिगल दायरामा नल्याउँदा झनै गाह्रो छ,’ उनी थप्छिन्, ‘पहिला लिगल भएर जानुभएको सुरक्षित हुनुहुन्छ । अहिले इलिगल जाँदा एकदमै गाह्रो छ ।’